قبيلة بني رشيد - الشاعر عبدالعزيز الخياري والشاعر عجاب الدغيلبي..

عجــــــــــــاب الدغيلبي
هلا مرحبا بالضيف للضيف ترحيب ٍ يليق=يـلـيـق بمـقـامـه والنـوامـيـس نـهـجـه وإهـدفــه
ياعبدالعزيـز الشاعـر اللـي تمثـل لــك فـريـق=فريـق ٍ يحـط الملعبـة مثـل لـعـب الجنجـفـة
عبدالعزيـــــــــــــزالخياري
يدوم البقاء واللي على البال يا وجه الصديق= علوم الوفا والطيب والمرجله والمعرفه
امثل هل النوماس والعز والساس العريق = وخصم يعاندني يبا يروح ملعون اجدفه
عجــــــــــاب الدغيلبي
بنظـرة بسيطـة صـرت كنـي علـى قلبـك مـويـق=توصلـت شـي ٍ (ميكرسكـوب) يعجـز يكشـفـه
شمالي وطبعك مختلف ليش طوالي تضيق؟؟=لـيـا ضـقـت ترضـيـك المبـانـي وحــد الأرصـفــة
عبدالعزيــــــــــــزالخياري
قديمه ياعجاب العتيبي لكن شفلك طريق =ترى الطرق واجد وش تبي في طريق اللفلفه
انا واثق الخطوه وعلمي على الساس الوثيق=اوصفك لو مالك بمجلس هل الطوله صفه
عجــــــــــــاب الدغيلبي
لاهاج البحر ماهوب خايف من صياح الغريـق=يـصـيّــح وربــعــه يـغــرفــون الـبــحــر بـالـمـغـرفـة
أنا أقلط على دعوة وفاء والشحم والكيف سيق=وتـبـقـى الـدعــاوي هـيّـنـة لـــو تـغـيـب المنـشـفـة
عبدالعزيـــــــــــزالخياري
اشوف الغريق اللي يخلط الزفير امع الشهيق =ربوعه معه واطيب ربوعه مايقدر يسعفه
تحت رحمة الله ياحمام الحرم تبقى طليق=ماجاتك مخاليب النوادر وحالك موسفه
عجـــــــــاب الدغيلبي
تبا تقلب الدعوى وياليت من نومك تفيق=أنا علمي موثق لكن أنت شديت إطرفـه
لو إن الحديدة لمعوها وصار إلها بريق=يعـود الصـدأ ولـو زاد تلميعـهـا فالتكلـفـة
عبدالعزيـــــــــــزالخياري
هذا قول في مرماك ياحارس القول الشقيق=على ارضك تولاك الخياري وحط بك اهدفه
ياجندي يجازيك الملازم و ينقلك الفريق=على مهنتك لاعطاك راتبك داقش واصرفه