وقف حرفي..على رمضاء الظروف ! ومل صمتي. لـين=نزف ..عجز القصيد.. وظاق صدرالشعر بـأوزاني
نشيد الحزن..سيره تستحق الطرح.. والتدوين=وانا اكتب.. للتعب.. والكبت.. يكتب ني ويقراني
عبث- جيت ارسم اسوار المدينه.. في زمان حسين=بقايا.. من ملامح ..ورث جدانك، وجداني
فرضت -اقرب خرافات اليقين.. بذمة التخمين=وعرضت ،ابعد حدود المستحيل.. بعين وجداني
هنا..كان الجدار اللي يمثل كبريا الطين=هناك..آيه.. من" الذكر الحكيم".. برسم عثماني
هنا..ماضي حضارات" بدوي" تعكس شموخ سنين=ثقافه.."بدو"..يحكمها ضمير.. العرف.. والعاني!
هنا.. من ذاكرة فوضى الصباح .. وزحمة الفاضين=من أقراء..! لـ آآخـر اشلاء الحروف اللي تهجاني
من الصبر الجميل.. اللي جهمني.. في زمان البين=جهمت..لـ حروة الفجر الاصيل اللي تباطاني
يمررر الليل شاعر والمدينه كلها غاوين ..=وانا اكتب للشوارع عن شقاء عمري وحرماني
طريق الجامعات اللي لغير المسلمين يمين=وانا ماني يهودي وانت مسلم مـ نت نصراني
تعبت.. ارسم -متاهات السنين- بدفتر التمرين=وعجزت.. انفض..مساحات الغبار بدقة الواني
على وجه الطريق اللي مشيته لين قلت امين=رسمت..لغربة ايامي وطن مايشبه اوطاني
تخيرت الطريق..منـ= 1420بعد..طور السنين من التعب..شف وين وداني
هنا..آه..وهناآه..وهنا آه..وهناآهي اين=وهنا..للـ آه درب جابني ولـ آه خلاني
مع اول منعطف للانكسار بزاوية تسعين=تيممت الطموح..وظلت ااحلامي تحراني
تليت من الكتابه ماتيسر لي من التلقين=وكتبت..من الكآبه..مايظيق بعظمة الساني
تـــعلـمت و لقيت الدين واحد والقضاه اثنين!=على نهج الشيوخ وكل شيخ اظلم من الثاني
قصيدي..!والوطن حفنة تراب ..وعمرنا يومين=وجبيني شاب وايامي زهاب وثوبي اكفاني
وطن..نصفه رجال اعمال ..والباقي رجال الدين=تمرجل من شقانا كل لبـرالي وعلماني
تلفت..للمنىـفي_عن منافي غربتك توطين=مدام الارض عرضك.. والحياة اطول من احزاني
ضماك الصوت واضماك السكوت..ومل صمتك لين=غواك البوح و الحلم الهزيل اغواك وواغواني
طغا مبدأ.ولاضعيف الا ضعيف الدين!!=و انا مؤمن بضعفي ماضعفت بقوة ايماني
وانا..ماهو خطاي..اني فقدت بعالم الصاحين=ولـكن "الخطأ كله" من اللي جاء وصحاني