قبيلة بني رشيد - من نوادر الشاعر العلم عايض الأبيتر

الشاعر عايض الابيتر القلادي الرشيدى اشتهر بإجادته بشعر الوصف والمدح والغزل فهو شاعر غني عن التعريف وحفظت قصائده لجودتها وقوة معانيها
فمن قصائد هذه القصيده النادرة يمدح بها الملك عبد العزيز رحمه الله تعالى حيث عاش هذا الشاعر حتى بدايت حكم الملك عبد العزيز.

بديت ذكر اللي تضج اله الاصـوات
رب فـرد مالـه شريـك مسـاوي

محصي العدد فطار سبع السماوات
المغني المفقـر جزيـل العطـاوي

وبديت في راعي الحروف القديمات
مظهر حقوق الله على كـل غـاوي

الجاز قـلاع الضـروس القويـات
كشاف بالحيـلات كـل الغطـاوي

يامير يامتعب مهـار(ن) عريبـات
صم الحوافـر فايتـات الاهـاوي

كم واحد(ن) يشكي منك عد مافـات
اصبح فقير(ن) عقب ماهو غنـاوي

اخذتهـا بالحكـم مابـه مـروات
وطويتها بالسيـف طـي البـراوي

ولك على المخطي مدال(ن) بعيدات
سلايـل المقـرن بعيـد الهقـاوي

عطني عطاك الله جنـان نعيمـات
اقبالت(ن) وهدايـت(ن) للرجـاوي

عطني ترى ادياري ماهي قريبـات
بيسر شعيب الروض بدنا المطاوي

ومن دونهم خشم العلم هو وبانـات
والذيب دون اللي فرى الجيب عاوي

والناس تهديلك هـداوي ضهيـرات
وهذي هديتـي يامحـل الهـداوي

أتمنى من القائمين على هذا المنتدى وضع قسم خاص بإسم هذا الشاعر شاعر التاريخ شاعر القبيله الشاعر العلم فهذا الشاعر كم ذاد عن القبيله بشعره

أتمنى أن يتحقق هذا الطلب ولكم مني جزيل الشكر