وحيد ،،،،،،،،،،،،،،،وحاير
9999bani-3abs
السلام عليكم ورحمة الله وبركاته الله ماقسى وضعنا لو تمعنت=يحير اصحاب الفكر والبصاير الى متى يالوضع باقي مثل مانت=وكلن يقول ان الزمن حيل جاير الناس منهم قال والله تفننت=عندي فلل واجر بيوت وعماير ومنهم فقير يقول توي تدينت=كسري كبير ولاتفيد الجباير حاولت ستر الحال لكني ايقنت=اني على درب العنا والخساير ومنهم مريض يقول لاماتحسنت=وماعادياتيني من الناس زاير هذابسيط ومختصر لوتبينت=في وضعنا اللي مدري شلون صاير يالله ياعالم بما اخفيت واعلنت=ياواحدن تعلم جميع السراير ياعالم" بالحال يامن لك اذعنت=ياعالم"فيما تكن الضماير يارب فيك اسلمت وبوجهك امنت=يالله تكفينا جميع الشراير ورحمتك ياربي ولو قمت واحسنت=رحمتك لادارت علي الدواير لامن رحلت وغسلوني وكفنت=وصلو علي وبان سرب العباير ثم حملوني يم قبر"به دفنت=وراحو وخلوني وحيدن وحاير وسمعت قرع نعالهم مالي الا انت=يارب تجعلني من اهل البشاير اخوكم/عبدالرحمن سويلم الرشيدي |
صح لسسسسسانك نص راائع جداً شاعرنا
تحياتي وماننحرم من جديدك |
الله حسن الخاتمه
صح الله لسانك اخوي راقت لي |
كعادتك شاعرنا الراقي لا تكتب الا ابيات في القمه ماشالله
صح لسانك ولاحرمنا حضورك الكريم |
صح لســانك ويعـطيك العافيه على طرح القصيده
تقبل مروري ^ـ^ |
صح لسآنك يالعشير ..
|
الساعة الآن +4: 03:54 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.