قبيلة بني رشيد - ياللي توايق من ورا فردة الباب !!

ياللـــــي توايـــق مـــــن ورا فـــردة الباب=إمـّا تفكّ البـــــاب ولاّ تصكّه

ماتْشوفني من لاحظ العــــين مصـــطاب=مـــثل المكفّن بسّ حــــطّه ودكّه

حد مـ العرب يحزنك لي روّح وغاب=وحد مـ العرب لي من رحل قلت فكّه

إلاّ انت مقـــدارك معدّي بـ لحــساب=وصلك شــــرات البن صوعي يفكّه

دونـــك حياتي كلّهـــا ضيق واتعاب=الجســــم نـــاحل والصـدر فيه ضكّه

من كثر مابي من تصوايب وانشاب=أصبـــحت اهاذي فـ كل حارة وسكّه

والله حلفــــه بس لا تقــــول كذّاب=في شوفتــــك أحـــسّ كنّــــي فـ مكّه

أرتـــاااح واشوف العمر باللقـــا طاب=تفـرج هموم ٍ في الحشا مستضكّه

مافــــي وصوفك شيّ ينـــــقدر وينعاب=وصفــــك بدكّـــه والباقيا بدكّــه

بــس لا تخـــلّي القلـــب حــــاير ومرتاب=أمّا تشـــلّه معْـــك ولاّ تفكـــه

وعــــن لا تــــوايق من ورا فردة البـــاب=إمّــأ تفك البـــاب ولاّ تصكّـه