قبيلة بني رشيد - ياصاح جنب لاتجي مرتع الريم !

[align=center][tabletext="width:80%;background-image:url('http://bani-3abs.net/aa/backgrounds/4.gif');background-color:white;"][cell="filter:;"][align=center]
ياصاح جنَب لا تجي مرتـع الريـم
حاذور من سهم ٍ مع الجـو طايـش
سهم ٍ من أقواس الحدق فيـه تسميـم
جرحه عميق و يودع الفكـر دايـش
يرميه خشف ٍ مـا يهـاب المواثيـم
توه صغير السـن بالزيـن شايـش
و إلا عنـودٍ تدهـل القلـب و تقيـم
ترعى الحشا بين الضلوع المشايـش
نجل العيون اللي هدبهـا صواريـم
من لاعته ناشه من المـوت نايـش
كم فارس ٍ قبلك تجزع مـن الضيـم
مطروح لا يقوى و لا هو بـهايـش
تعرضن لـه ضامـرات المحازيـم
أهـل القـدود المترفـات النشايـش
و تبششـن لـه بالثمـان المناظيـم
و أثر البلا من عقب هاك البشايـش
كم ضحكة ٍ سرت قلـوب الشغاميـم
و عقب الهنا و الضحك جرت بلايش
هذا الهوى مبداه قطـر ٍ مـن الغيـم
و أتلاه أنقع مـن سمـوم الهوايـش
و العشق وأهل العشق سقم ومساقيـم
و كم واحد ٍ ميت و لو كان عايـش
انشد عِلِيـم وخـل عنـك التواهيـم
و احذر و لو حاشك من النفس حايش
[/align][/cell][/tabletext][/align]