إعلااااان للشّعار
إعلااااااااان للشعّار إعلان للشعار في كـل الأطـراف=عبر الصحافه للملا ناشرينه الشعر تاريخ العرب رمز وأهـداف=ياقايليـن الشـعـر ياسامعيـنـه الشعر له في كل ميـدان ميقـاف=وشعّاره اللي ماقفه محتمينه الشعر لـه بنـك ٍ وللشعر صـرَّاف=وإصرافته جزل البيـوت الثمينـه والشعر بحر ٍ فيه سابح وغـراف=صيـده جواهـر لؤلـؤ ٍعارفينـه والبحر يجمع جوهر الفكر وأصداف=ومن جوهره وأصدافه مفرقينه الشاعر اللي يبدع البيت والقاف=جزل البيوت اللي تخطّه يمينه هذا هو الشاعر وللشعر عرّاف=خلاَّ الهزيله وأعتنا بالسمينه فرايده تلقابها عدت أصناف=فيها التميّز والذهب شايفينه والشاعر اللي بين مأطمن ومهياف= تلقا بيوته في هيار الدفينه هذاك فيه الضعف وابيوته إضعاف=من أفكارنا وأعقولنا ماسحينه الشعر هذا اليوم يسمع وينشاف=كثرو شواعيره..مع مهايطينه صار الشعر مابين حاذف وحذَّاف=عن منهجه..وأهدافه محرفينه بعض الشعر ينعاف ينعاف ينعاف=من عافتينه بالوزن كاسرينه يمشي على عكاز مكسور الأكتاف=ملهمدينه للملا خابزينه والشعر فيه إثقال بالوزن وإخفاف=إثقاله إطنان الجبال المتينه وإخفافه اللي مع هوا الريح ينلاف=يطير مع ريح الهبايب بحينه الشعرلازم نرفعه فوق مشراف=نرقـا بـه القمـه على فرقدينـه ثراثنا الموروث من ماض الأسلاف= اللي من الأجداد متوارثينه هذا هو الشعر الحقيقي بالأوصاف=يامبدعيـن القـاف يامدوريـنـه لابد مانحفظه عـن كـل محـراف=يجـب علينـا نحفظـه مانهينـه يحفظ عن الإهمال من كل الأطياف=بقلوب راوينه مع مؤالفينه ونفرش له الورد المعطر مع الحاف=بأقلامنـا لأجيالـنـا مؤرخـيـنه فراشه الصفحات والحافه إغـلاف=عنوانه بخط الذهب كاتبينه هذي رساله ترسل لكل الأشراف=ختم الجزاله فوقها خاتمينه وصلاة ربي عد ماحج والطَّّاف=على رسولٍ مسجده بالمدينه ولكم خالص الود/عبيد الله بن دعيع القلادي |
ياسلاام
كلمات جزلـه لاهنت وننتظر جديدك . |
ذكرتني بقصيدة رشيد الزلامي
يومه يقول الشعر ماني مقترح دستوره=ولاني وكيل أدم على مذخوره ولكن من شيٍ يحز بنفسي=هاضت به افكاري وهي مجبوره شعر النبط شفته بوسط الشارع=يمشي ويسحب رجله المكسوره وما شاهدت عيني عرفت اسبابه=زان الزمان وبانت المصروره الشعر سارت هيبته ماطيه=تشاوتوه الربع مثل الكوره يشوته الفارس وجاه الحارس=ينقز على رجله ويلطم زوره ع العموم صح الله لسانك |
صحح لسانك وعتلا شانك
|
صح السانك وعتلا شانك قصيده جزله ومن شاعر لاغريب عليه لابداع
|
صح الله السانك شاعروافي وجزل
|
ياسلاام
كلمات جزلـه لاهنت وننتظر جديدك . |
صح السانك وسلم بوحك
|
الساعة الآن +4: 05:56 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.