لو قلت ( باك ) بكل الاشواق ولكمت , بقلمي
 

ناضت بروق الشوق والشوق فايض
للي ليا من شفت زوله تلعثمت
ما اخوض باشواقي مع كل خايض
اردها خوفٍ تبين ان تكلمت
كنت احسب انك لي عن الجرح عايض
وكنت احسبك يوم اشتكي لك تألمت
واثرك كرى في داخل العين هايض
هاض وبكت عيني تبا النوم مانمت
شفت السيول اللي بكاها مبايض ؟
اقل من دمعي من الجرح والزمت
ومع جروحي والالم والعرايض
لو قلت ( باك ) بكل الاشواق ولكمت
والله ماخليها جروح الفرايض
لين الالم يقول لي بس " اسلمت

محمد

صح لسانك يامحمد على هالجزله الرائعه

صح الله لسانك اخوي محمد قصيدة طيبه

حياك الله اخوي ..
بالنسبة لملاحظاتك
لا اظن ان في اللغة العربية هناك كلمة اسمها معا !!
كلمة مع واضحة انها تنطق معَ بفتح العين في المرة الاولى
وفي المرة الثانية بسكون على العين ..
اما بس فمن قالك اني حاط عليها تنوين ؟ انا كاتب بس " اسلمت "
يعني اسلمت بين القوسين لا اكثر ولا اقل ..
اما ولكمت فاسأل فيها هل النت ما لها شغل ب الكمت ولا غيره
وتنطق وَلْكَمْتْ
عموما بامكانك جر القصيدة على لحن وان رأيت اي نقص فيها لك ماتريد
عموما اتقبل ملاحظاتك وحياك الله