قبيلة بني رشيد - طيفك معاي وصورتـك محتويهـا

ياروح روحي طلتك غايـة منـاي
كلـي سـرور بجيتـك واشتريهـا
الشوق دربي واْنت يالترف مسراي
طيفك معاي وصورتـك محتويهـا
واليوم اْشوفك ماتبي زود طريـاي
كيف المحبـه الصافيـه تزدريهـا
يانبرة الاْحزان مـع نغمـة النـاي
جفنـي يفيـض بدمعتـه هونيهـا
يكفيك ياواقع صدم رغبة ارضـاي
ذكـرى حزينـه للمـلا سولفيهـا
أيام واتركلـك قصيـدي وشكـواي
والبسمة اللي ماتت الـروح فيهـا
واكتب لك أبياتٍ تحسسـك فرقـاي
منها دموعك فـي الخفـا تذرفيهـا
أخذي قصيدي وافهمي صدق نجواي
في لحظـةٍ كـل العـواذل تبيهـا
يكفي من الفرقا تعب كل رجـواي
جدت جـروح بداخلـي وافهميهـا
واْستودعك واْودعك واْقصر خطاي
عن رحلةٍ كنت أرتجي واْحتريهـا
عسى الليالي تذوقك حـر فرقـاي
وتصيـر قصـه محزنـه تكتبيهـا
اْستاذنـك بودعـك قبـل ممشـاي
وكـل السوالـف بيننـا بعثريهـا