سلام ردية وفا ماهي لحد من دون احد=اقولها للشافعي واقولها للحنبلي
يالي من المغرب تواعدنا حضرنا بالوعد=ولاكل سيف انشبهه في سيف ابوطالب علي

يا مرحبا ترحيبتن فيها الصحيح المعتمد =اقولها للي يقول الحق والمخرج ملي =

حياك ربي وانت عاقل جيت في وصط البلد=والعلم مدري كم كيلو منزلك عن منزلي=

دام البقا ماني محددها يابو زيد بعدد =ومن بعدها اسمع ياطويل العمر كل الي يلي
ودك بشوف البرق ولا ودك ابصوت الرعد= اخترمن الثنتين وحده والله الوالي ولي

باب المعرفه متسع للي نزل وللي صعد =يا الله عسئ الغمه عن العاقل تبين وتنجلي =

اثرك تدفن جرت الشاعر بعد طاح البرد = وانا احسبنك من بني عمي ولاانته من بلي=

المعرفه مايصلها من عظم ساقه يرتعد =ويالله لاتضيع تعب رجلي ولا تعب اجملي
انا نويت اعطيك بالطاروق ذا قسم الاسد=والله يخلي ولد عمك وانته ايخليك الي

ساق المطيه من كسر واليل وش عندك بعد =من كبر عينك تنظر للراسن كبر راس الطلي=

انت علومك كلها من غير برهان وسند=ان طعتني ركد علومك قبل لاقول احبلي =

ماخرب الاسواق ياغير المديلات الجدد=وهذاك قسمك يالطيف انك تعين المبتلي
ماجيبلك علمن بلا برهان ياوجه السعد=ودامك نزلت اشوي انا عنها مكاني معتلي

اللي مثل شرواك في عينه كحل ولا رمد =عليك شي امن الجنابه من علي ما انت ابخلي=

ياوجه وجه السعد قلبك صحئ ولارقد =انت كما نار الحطب لاكن تشب وتصطلي=

والي مثل شرواك عايش كل عمره في كبد= من بعد منته مرتفع للارض جيت امحولي
انت استريح اشوي ولا اقول لك كن مستعد= ومع السلامه يالخفوق الي من الضيق ايغلي