قبيلة بني رشيد - هذيـك نفسـي عليهـا حيـل شفقانـه

يا

ضحكت الورع مدري وين شايفها

ان كان ماني متوهم ضحكت فلانه
قمازته وشفته تشبه شفايفها
وعيونـه عيونهـا يضحـك ونعسانـه
والله يا ضحكته عجز اطوفها
للي شغلني معـه مـن جملـة اخوانـه
وقفت والنفس مابدت حسايفها
ضيعت وقتي غصب كله علـى شانـه
انشده والبشر تتبع ولايفها
يلعـب طـرب بالملاهـي بيـن ورعانـه
صديت والعين ماتنسى وصايفها
هذيك نفسي عليهـا حيـل شفقانـه
وا نفس ياللي تحلفني واحلفها
حاولت اشكك وهـي ماهيـب غلطانـه
تقول هل الورع والله من خلايفها
واقول ربي يخلق اشبـاه سبحانـه
هذيك راحة وانا ماني بعايفها
حكـم المقـدر وكلـن راح فـي شانـه
خبريبها يوم جاها من طويفهـا
الـي خذاهـا ويتبـع سلـم جدانـه
ماشافته ولاهو ماهو بعارفهـا
ماشاورهـا ابـد مـا كنهـا انسانـه
راحت وانا بشقى كني مناصفها
يا مل قلبـن شكـى همـه وحرمانـه
لليوم قلبي يرددلي سوالفهـا
هذيـك

نفسـي عليهـا حيـل شفقانـه