قبيلة بني رشيد - وأنا لو جيت أبين لك غـلاك تقـول: ياساتـر تعال أنبش عن أوراق القصيد وشـف دفاترهـا

على صدر السماء موعد وزهرٍ يبهـر الناظـر
مثـل ماللطفـل بسمـه بريئـه نـور نوّرهـا
هنا كان الهنـاء نسمـه بفيضـه توهـا بـاذر
وجاها الصيف في غفله ولهيب القيض غيرهـا
غضب صاح القلم يشكي على مافات والحاضـر
على لون الحزن حرفي أنين الطـرس سامرهـا
أطالع صورة الماضي جمـالٍ شوفتـه ساحـر
ملامح حسنهـا قبالـي خيالـي فيـه صورهـا
رسمت الواقـع بريشـه حزينـه فنهـا ماهـر
وشفت الواني تتألـم بلوحـه الحـزن دمرهـا
طفى هالشمع من غبتي فقدتـه جونـا العاطـر
ذبل هالورد في ليله غريـب الهـم زايرهـا ؟
على وجه الهوى غيمه وكـان النـور متناثـر
وقفت لمتعة عيوني مـع أن النـور يجهرهـا
دقايق وقت ديمومه تلاشـت والهـوى طاهـر
خذاها البعد وأبعدهـا وشـوق القـاع ينطرهـا
رويتك مارويتك صـح سكاكـر طعمهـا نـادر
يافكره تضيع بعيونك وأجـي للتـوت ادورهـا
وأنا لو جيت أبين لك غـلاك تقـول: ياساتـر
تعال أنبش عن أوراق القصيد وشـف دفاترهـا
ياعذبه همسها يجنـن علامـه دربكـم عاثـر؟
ياطفله لاحكت هاض القصيـد بفكـر شاعرهـا
ملل مامل ينتظرك ملـل لا صـرت بـه هاجـر
ملل هالحال من دونك تعـب والعيـن مسهرهـا
قصايد نبضها أنتي تـورد لـي وأجـي صـادر
وأقول أجمل من اللي فات على اللّه يلين خاطرها