قبيلة بني رشيد - تروح ترحب بغيري وآنآ آللي لجيـتك مشتـآق .. ..

تروح ترحب بغيري وانا اللـي لجيّتـك مشتـاق
.......................................... مصيـري اتـركـك واغـيـب وتتـذكـر معانـاتـي

حاولت اساير الموقف واداري غصّة الاريـاق
.......................................... واطفـي نــار ٍ بـصـدري تـشـب بكـثـر ونـاتـي

حبيبـي كـل هـم ٍ فـي حـدود الكـون فينـي فـاق
.......................................... عشـان يداعـب الخـافـق وينـهـي لــي بدايـاتـي

الا ليتك تحس بكوني اللي رغـم وسعـه ضـاق
.......................................... وتعرف كيف لاجل الحب صبرت بكل حالاتي

احس الحزن في داخل خفوقي دوم لي طـوّاق
.......................................... واهدّي روحي اللي صابـره فـي كـل غلطاتـي

تقـول اعيـش لـو مانـي بعيـش لراحـة الخفـاق
.......................................... وابـدعـي ربــي الغـافـر يسـامـح كــل زلاتــي

عرفت ان العطى لا زاد عن حدّه غدى منعـاق
.......................................... يقسّـي قلـب مـن اعطيـه ويمحـي كـل رغباتـي

طموحي القى لي حب ٍ مكانـه داخـل الاعمـاق
.......................................... يبادلـنـي غــلا واحـسـاس يـفـز بـكـل جـيـاتـي

وانا مو كـل شخـص ٍ شفتـه بعينـي لعينـي لاق
.......................................... يطيـح المقفـي مـن عينـي ويبعـد كـل خطواتـي

تخيّـر بالـدروب ودربـي اللـي بسلـكـه لـفـراق
.......................................... وانا ادري تبطي ما تلقى مثل صدقي وطيباتـي

وتمر الدنيا وايامـي وابحضرلـي حفـل عشّـاق
.......................................... وبالمح لك حضور ولا تحرّك شـي فـي ذاتـي

واروح ارحّب لغيرك ودمعـك بالجفـن غـرّاق
.......................................... وتتنـدم علـى ذكـرى تمـر فـي طـي صفحـاتـي