لو مالمعالي يحد الناس عنها الغلا= كان المعالي مسابح في يدين الضعوف
مال العلا غيرناسٍ،، تستحق العلا= العزغالي،، ومن دونه تحد الظروف
لوتبصر العين زين،،الرأس مابه بلا= رفيع ماياصله،، طق العصا والكفوف
لكن مقاريد خلق الله ،،بلاها جهلا =ما يتركون الشوارد زي ماهي .. تطوف
الناس تحشر بعضها،، حشر صيد الفلا= والدرب واسع ورزق الله،، كثرمانشوف
من خاف سوء العواقب،، قال ماحرص على= بحث الخوافي... أليا عدت عساها ذلوف
لأن العوارف،، مع أحداث الزمن تبتلا= وقت الرخاء عزوف،، وأيام الشدائد وقوف
الوقت قاسي ،،بغاية واعملاه اعملا= كسر الخواطرعلى أطراف الهبوب الهفوف
سل السيوف الرهائف فوق رؤس الملا= جمهور بظلالها يسعى... والآخر يطوف
عاد البراء للوراء واسقى ضمايا الولا= تحت الخفايا بلايا من ظلال السيوف
أرض العذاب أجدبت،، مبْها شراب وكلا= وقت الضحى إغبار،،والمغرب تهب الشعوف
لا للعوارف،ولا.. لأهل الوفاء.. وألف لا= حسن النوايا فنت عسى تعبنا مخلوف