الونه اللي بقلبك وش بواديها = بالحيل متغيّر ٍ قلبك على حالك
هي من مواجيعك اللي دوم تخفيها = والا انت يا صاحبي محد ٍ على بالك
نفسي عزيزه ولا ترضى لغاليها = ما اطيق شكل الحزن يا بدر بهلالك
دنياك لا تنتظر منها بلاويها = ومن صار دنياه همه عاش متهالك
ولا تامن الوقت واللحظه ترى فيها = مليون لحظه تفرج عنك غربالك
ولى ضاقت النفس عادت يم راعيها = والله راعيك في حلك وترحالك
والونه اللي بصدرك وش معانيها = لا شك ودي أعرف شلونها احوالك
ان كانها " وصل " حي الله بواديها = وان كانها " فراق " فال الله ولا فالك

ولى ضاقت النفس عادت يم راعيها=والله راعيك فـي حلـك وترحالـك