قبيلة بني رشيد - لعل الســــــــــــــحاب

لعل السحاب اللي تبين وبرقه حي
تبين مع المنشاء وخيله على مركاي
مابين السماء والارض روسه تقول احلي
يخوف بتكوينه ويفرح به الرواي
تزبر سحابه وستواء النهار ضحي
وفي قدرة الله تقل يكس السماء كساي
مسدن خياله يفرح المدهرالمضمي
يسوقه هواء الغربي ويقف عليه اقفاي
هبوب من المنشاء اشوي اشوي
نسانيسها ماتزعج الراحل البناي
تقفاء السحاب بقدرت الرازق المعطي
تسوقه لدارن كلها غايتي ومناي
واليا وصل هاك الدار يسكن هواء الغربي
يذعذع هواء قبله وينقر له السقاي
ثلاثة ليالي والمطر ديم ينزل مي
وثلاثة ليالي عامره برقها سراي
يعل البلاد المسنيه لين ترواء ري
صدوق خياله من وراء هقوة الهقاي
يسيل الشعيب وتلعت الوادي المسني
ويملا الفياض مع الخباري فضل مولاي
بعد ما يعديله شهر والفياض ملي
تشابك نباته يعجب السايح المشاي
تلاوين نبته زاهيه والديار خلي
بقفرن نباته شابك يذهل الحكاي
وشبيت نارك بالشعيب وشعمت الضي
بصحبة رجال كل منهم سديد الراي
وذبحت الذبيحه للنشامى طبيخ وشي
زياده على فنجال دله وكاس