قبيلة بني رشيد - توّك تذكر من على العالم أغــــلاك؟؟

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - توّك تذكر من على العالم أغــــلاك؟؟ (http://ban3abs.com/aa/showthread.php?t=1149)

توّك تذكر من على العالم أغــــلاك؟؟

أهدي إليكم هذه القصيده المتواضعه من أحدى قصائدي

توك تذكر من على العالم أغـلاك=توك تجي وتقـول ياشـوق قلـه
مادام خنت اللي من الناس صافاك=وخلى غرامـك دولـةٍ مستقلـه
أعطاك من وده وياكثر ماأعطاك=وغيرك يموت ومنزلك ماوصلـه
يدمح لك الزله وتكثـر خطايـاك=ويـداوي العلـه وترجـع بعلـه
من بعد هذا كيف تبغاني أهـواك؟=وانت الذي مايرفق بحـال خلـه
خلاص ماباقي معي غير ذكراك=حتى أصبحت عندي بقايا مملـه
أوادعك قبـل ابتعـد واتناسـاك=مافيه رجعـه لـوّ دمعـك تهلـه
رح في مشاوير الجفا سير اخطاك=رحله سعيده يالرمـوش المظلـه
عزمت بالفرقـا ولاأريـد لقيـاك=والحب باسبابـك كرهنـاه كلـه
أبعد من النجمه على لمس يمنـاك=شرواي في حلو الحكـي تستغلـه
لاعاد تنشدني وش أسباب فرقاك؟=مافيه إجابـه رح ودربـك تدلـه

أخوكم::عبدالعزيز ابن دحيم الخياري