قبيلة بني رشيد - ضاع الحساب وشفت برق الجفا لاح.

أي والله أهوجس ولانيـب مرتـاح ..
والحزن في حوش الحنايا بفـاروع ..!
أمسيت من وصل المواليـف مـزّاح .
وأصبحت من فرقى المواليف مفجوع ..!!
البارحه في غبّـة الوصـل سبّـاح ..
واليوم من عرش المواصيل مخلـوع ..!!
يا صاحبي صرح الهوى والوفا طاح ..
والقلب كنّه من عراويـه مقشـوع ..!!
كنت أحسب ان لـحبّنا عشـرة ارواح ..
الين شفت الحبـل بيـديّ مقطـوع ..!
يوم العهد به حـدّه اسبـوع لا راح ..
اسبوع ويعوّد عليّ شـوق ودمـوع ..!!
واليوم خمس سنين والهم مـا زاح ..
هم الفراق اللي بلا عـذر مشـروع ..!!
استغفر الله تسعة شهور يـا صـاح ..
في غيبتك قمت احسب اليوم باسبوع ..!!..
ضاع الحساب وشفت برق الجفا لاح ..
وأيّست لولا ان الرجاء فيّـ مـزروع ..!!
العام خلّي يسمـع القلـب لا صـاح ..
واليوم مهما صاح ماهوب مسمـوع ..!!
وحالي نحل والحال ماهوب منسـاح ..
من كثر ما اضمى للمواصيل وآجوع ..!!
بليت فيـ من دونـه سيـوف ورمـاح ..
وغدا عليّ وصله مثل حبّـة الكـوع ..!!
له منّـي ان سـرّه على الناس ما باح ..
ولي منّـه ان الصد غصب بلا طـوع ..!!

كلمات الشاعر بن فطيس ..