قبيلة بني رشيد

قبيلة بني رشيد (http://ban3abs.com/aa/index.php)
-   منتدى الشـــعــــر (http://ban3abs.com/aa/forumdisplay.php?f=57)
-   -   اهـــــــــــــــــــــــــــــــــــــــــداااااا اااااء,,, (http://ban3abs.com/aa/showthread.php?t=113742)

كحيلة 21-10-2011 05:34 PM

اهـــــــــــــــــــــــــــــــــــــــــداااااا اااااء,,,
 
السلام عليكم..


صباحكم كان والا مساكم..جعله دوووم يلفي عليكم على خير..
قصيدة خاااصة حبيت اهديها لمنتدى عبس..
اعترف اني استعجلت فيها لكن كلي أمل و..
اتمنى من جوف الاعماق انها تنال ولو على بعض من رضا ذائقتكم الشعرية..







لنّي هويت الشِّعــر وفن المجارات....
نكست لك راس القلم..ثم بريتـه


يشوش فكري لانقصد بِكــر الابيات ....
لاقالها عـــودن رسم.. فـــوح زيته


الي كما (الكفــة) بعنـق الاصيــلات....
وَسمـ(ن) في بلعوم الشعـر ذاع صيته


طنخة قصيد وهيض الفكر عجــات....
ولبّى لي مجنــون الشعــر من نخيــته


ارحـب هـلا يامن قصد جزل الابيات....
مضمونــها في درّ شعرك.... قريتـه


يا مانهيـــت القلــب مـرَّه ومــــرّات.....
دربن مشـــاه وليــتني.. مااااانهيتــه


لنها غريزه.. لكل ممـــنوع لـــــذّات.....
ازبـن عليـك القلـب ..ثم(ن) سبيــــته


الشــــوق لــذّه لاكفخ كل حـــــزّات......
ويشـــلَ فكـــري..طيـفك الي دعــيتـه


جعل الدقايق لا سهت عنك لحظات....
سـوووود العقارب كيد سمَـه ,,تميتـه


لانك لعيني,, شوفها,, والمســرّات.....
وقلبـ(ن) تعــرَا بالمشاعــر...كسيتــه


أحييت بي روحن غدت تالي حْتات....
ورْويت نبتـــن يحتضــر,,من سقيتـــه


حبيب ابونوره خسـر معك جــولات....
من ضمنها زلَـــه بشطـر(ن) وحيتـــه


حبــه لخلــــه جا ملاييــــــن ذرات....
وحبي لخلــــي،،،ماحْسب اني حصـيته


حبك نحر في ساحة الوقت حسرات....
غسَّـل ثراها وبـــلِ مـــزن(ن) بخيتــه


اهــــديت لك قلبن تمناك... بالذات..
وابغـــــــاك قلبــــ(ن)..لاهقيته لقيته


ان جيت حدك ..وان تعثرت خطـوات....
آخــر مطاف الـدرب...يمِّك نـويته


مديت لك صدقي بكف(ن)امحنات...
وروح(ن) على كفن الوفا لك هديته


ماجاك بعضن من غلا داخل الذّات...
وأجمل ودااادي..مختبي,,ماحكييييييته





وسلامتكم..
كحيلة..

ندى الصمت 21-10-2011 05:38 PM

مساءك سعاده وهنا وشعر

صح لسانج ياكحيله

صقـــر الشرقيه 21-10-2011 05:49 PM

كحيله خطيره جداً
نبض وخيال واسع وثقافه عاليه
وجزاله حييييل
استمري بالشعر يالك مستقبل باهر

راسبه بالحب 21-10-2011 05:50 PM

ياامساء الخيرات والله


عز الله انها قصيده جزله اعجبتني حييييييل



صح السانك ..

الشاطئ المهجور 21-10-2011 06:17 PM

إقتباس:


لنّي هويت الشِّعــر وفن المجارات....
نكست لك راس القلم..ثم بريتـه

صح الله لسانك على القصيده اشكرك على الاهداء

والقصيده في كامل محتواهااا روووعه لاكن هنا دخولك با النص صراحه غير موفق لو كان فيه مقدمه

افضل من الدخول الغير مباشر

هنا نكست لك راس القم ثم بريته ....دخول رووعه لاكن اعتقد لابد من تحديد نوع القلم اذ ماكل قلم يكون مبري ؟

نعرف ان وصف القلم المبري يطلق على الرسم



إقتباس:

لاقالها عـــودن رسم.. فـــوح زيته

اعتقد رسم لايطابق مع الفوح

اشكرك على القصيده مع تمنياتي لقبول نقدي بكل صدر رحب


سيوف بني عبس 21-10-2011 06:47 PM

صح لسانج الكحيله
وعساج ع القوه خيتي

سحايب 21-10-2011 06:50 PM

الله الله صح الله لســـــــــــــــــانتس ولاهنتي
امتعنا حرفك بجدبجد روووعه
يعطيك العاافيه ....سأكون من منتظري
ابداعك .....

الموج الهادي 21-10-2011 06:58 PM

صح السانج الكحيله


الساعة الآن +4: 03:59 PM.

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
هذا المنتدى يعمل على نسخة في بي بلص