اليا انتهت كل الدروس وقلت الك طش الكتاب = تعال للموت الحمر كانك تجاوزت اخطره

العمده المنصف عطى كل الوثايق واللقاب = وهلحين من كثر اللعطا يونس عظامه وظهره

وشبك نصيت الزاويه والخد يتطارد سراب = لايكون تونس برد تو الصيف ماراح اثره

انته جمل وانعم ابك لكن على غيرك عتاب = ماعلومك أن الك ذيبن وانت ماجبت اخبره

أثرك قطاع الفيافي لاانت ذيب ولانت داب = والغصن مايثمر قبل لايشاف بالعين ازهره

كانك عصيت امعلمك خوضرت من ضمن الشباب = ونحصلك من ضمنهم كلن يغني ببحره

كنت العفك ياطير حتى صرت تكفخ ماتهاب = متورين بك حرا لكن صرت لباخ ابعره

علم صحيبك واخبر قبل المشقه والعذاب = توه قرب حد البحر يغوص والا يطمره

الياوصلك الطيب مني لو غدا طيبي هباب = قبلك من الي خيبو ضني لاعديت اعشره

لو انت رافع هامتك ماطاح شوفك بالتراب = لكن على ماقيل كل انسان حرا بنظره

لاصرت انا ماقمت لاتصدق لو اعطيك الجواب = ولاقمت تلقى العلم كامل فيه سطوه وزمره

انته فعل يمناك مع يسراك لكن بانسياب = طشيت راس الشيخ وانته من وراك المقبره

لاوانت يومنك صغيّر قارصك في نص ناب = لاشفتني جيتك برمحي ينفتح بك معبره

زهمولتك ماجا الشهر من بينها وبين الثياب = والظاهر نك من يبا يشيب وعمره بالشهره

الشكرك لكن الشكر محظور من راس الغياب = مير المترجم يخبرك وانته لاتنسى تخبره

اهديت الي واهديت الك والعلم في جمع الحساب = شوف العدد واجمع صحيح ان كان ودك تخسره

منكثر ماتجيك الاشاره من عزيين الجناب = غديت لامنك مشيت الدرب كلك قلشره

أنا حسابي نقد وانته في نقاط الاكتساب = ومليح باقي وسمه الاول لو يطش اوبره