|
هذي السنه شرابة البن غيّاب املا دلالي ،،،،
مساء / صباح روح القصيد
هذي السنه شرابة البن غيّاب املا دلالي واتقهوى لحالي ساعات كني سامعٍ دقّ في البـاب وإليا فتحت الباب وإليـاه خالـي صدّ وجفا وغياب مجهول الأسباب بالرخص باعوني وانا كنت غالـي دار الزمن واثـره كماقيـل دولاب طالع ونازل بيـن ميـل وعدالـي يبدي القمر بحساب ويغيب بحساب بيض الليالي بين سـود الليالـي العام كنّـا فيـه خـلان واحبـاب نتقاسم اللقمـه ونـص الريالـي واليوم صرنا نلتقي مثل الأغـراب ردّ السلام ولانشـد كيـف حالي ياقلب لوّ ابديت له لـوم وعتـاب ماله مع الحـيّ المقفّـي مجالـي وإن قلت له هذا بلاأبوك ياعقـاب لاحاسبك مكسـب ولاراس مالـي ..... لشاعر :عبدالله الطلحي |
قصيده راائعه جداً ..
صح السان شاعرها .. وصح بوحك واحساسك و ذوقك واختيارك الرائع .. |
يعطيك العافيه
|
المشعل &ساير
صح بدنكم اسعدني مروركم |
صح السان شاعرها
ويسلموا على الاختيار الرائع |
صح بدنك اسعدني مرورك عايد
|
قصيدة رائعة صح لسان شاعرها
|
إقتباس:
|
| الساعة الآن +4: 12:03 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
