سلامي سلام يركز العود في عين النحوت=فرح والفرح بيرق وفا ما تغير رايته

من الصخر نبني ما نقلد بيوت العنكبوت=نمد النظر للمقبله ونتعدى الفايته

اقتباس من مشاركة وحاه (المشاركة 2471980) هلا مرحبا والساطي يعيش والواطي يموت=من الشاعر اللي يعرف الشاعر من بدايته ياهداج تيما واجد اللي يبنون البيوت=وكم بيت جات نهاية اصحابه من نهايته

هوى الذود يا وحاه يحفي من الرجل السبوت=وترى منطق الشاعر مع الناس مثل مرايته

انا ما علي الا من امك وباقيها يموت=معي لا تعداني وشوف الطريق وغايته

اقتباس من مشاركة وحاه (المشاركة 2472010) عسى راعي الذود يتصبر شهر من دون قوت=لو إن الصبر في بعض الاحيان لقمة بايته لو إنك ولد ماتترك أمك تحت ضيم الوقوت=لكنك تجامل عمك بقصته وروايته

على الهون ياللي بالصحاري تسوقون الفروت=هوايتكم التفحيط والرجل حفظ هوايته

تخالفت انا وياك قبل الكلام من السكوت=ولكن يا وحاه فامن الولي ورعايته