قبيلة بني رشيد - قـبـل المـفـارق يكـفـي انـــك تلـثّـمـت

اقسى جروح الروح بروازه الصمّـت
ساكـت وليـل اليـاس يعـلـن وصـولـه

اقسـى عـذاب الوقـت لا مـن تعشـمّـت
بالغـيـم واثــر الغـيـم مـبـعـد هـطـولـه

قولـوا لهـم .. قولـوا تـرانـي تعلـمّـت
خـذيـت انــا دنـيـاي صـولـه وجـولـه

قـولــوا تـرانــي بـالـزمـن ماتـكـلـمّـت
خايـف علـى البيـرق وذيـك الحمولـه

قولـوا تـرى فــي غيبـتـه ماتهشّـمـت
بالعـكـس زادتـنــي ثـبــات ورجـولــه

ماطـحـت شـامـخ ثـابـتـن ماتـهـدّمـت
لـو كـان حولـه حـال مـن قبـل حـولـه

هـو يحسـب انـي بأنثنـي لـو تنـدّمـت
لا والـــذي تـرجـيـه عـيـنـن خـجـولـه

لا مــا انثـنـي لــو مـــت والا تـالّـمـت
مثلـه حـرام اعيـش وانطـر وصـولـه

هـو يحسـب انـي فـي غيابـه تحلّمـت
لا والـــذي ســـواه مـاشـفــت زولــــه

يمكن على الذكرى مع الليـل وسّمـت
جرحـن قديمـن مكتـمـل فــي فصـولـه

يمكـن سواتـه لا طــرت لــي تقـدّمـت
لـلـنـار والـجـمـره وعـبــره عـجـولـه

ماهـي بعبـرة ضـعـف لـكـن توسّـمـت
من صاحبـن خايـف جروحـي تطولـه

ياصاحـبـي سـاكـت زمــن ماتظـلّـمـت
والقلـب نعـرف بالهـوى وش ميولـه

خذيـت وقتـي صـمـت لـكـن تحطّـمـت
ساكت واشوف الغبن عرضه وطوله

سامرت نجم اسهيـل وسهيـل علّمـت
وش هي سواتك والغدر وش اصوله

درب الـغـدر لــولا الـغـدر ماتجهّـمـت
واقفيـت اردد قــاف صــدري وقـولـه

مـانـي ضعـيـف ولا نويـتـك تـقـدّمـت
ولا انت بشجاع ولا خذيـت البطولـه

قـبـل المـفـارق يكـفـي انـــك تلـثّـمـت
وشلت القناع اللـي خـدع الـف دولـه

ابيات اعجبتني وحبيت نقلها لكم