الليالي سريعه والتجارب عبر = قبل نبدابها ويبين عنوانها
سافروبي وانا ماني براعي سفر = غير في سيرة المزنه وربانها
سفرتي لاانهمل ماطر وردو خبر = وامتلا روضها من روس ضلعانها
يا بدو ما تونسكم ديار الحضر = روسكم مايله والبر ميزانها
لو ضحكتو بسن ولو شبحتو نظر = مثل ما قالو الشيخه لشيخانها
دار يا دار والمنشا براد ومطر =مير يا دار نفسي ثار بركانها
لو تدنا غصونك من ورود وثمر = وكل ليله عليك يهل ودانها
ما يمرك يا كود اللي عليه الامر = ناس ما همها الا طق لحيانها
ناس في دوحتك ماضي عليها شهر = تتبع ام العباه وراي ورعانها
قالو ان السفر راحه وفرصة عمر = قلت ابارخصك يا شاني على شانها
والطبايع تبا تدفن معي فالقبر = كم سنه ما قدرت اصك بيبانها

اخوكم سعود الهطلاني

سفرتـي لاانهمـل مـاطـر وردو خـبـر وامـتـلا روضـهـا مــن روس ضلعانـهـا

اقتباس من مشاركة الشاطئ المهجور (المشاركة 2447837) صح صح الله لسانك ياحلو استدراج البيت اعجبني وبقوه ماشاء الله عليك اهنيك على الابداع وفقك الله

اقتباس من مشاركة كحيلة (المشاركة 2447861) صح الله لسانك ع القصيدة الطيبة.. مشكووور..ولاخلا ولاعدم.

اقتباس من مشاركة احمد منيف (المشاركة 2447862) صح الله لسـأنك اخوي ع القصيدة .. لاخلا ولاعدم . .. يابـ ع ـدي ..