قبيلة بني رشيد - الدرس-للشاعر عبدالحكيم عبدالله المضيبري

يااستاد قلبي مايبي الدرس يااستاد==عيا مزاجي لايطيق الدراسة

وش عاد لو تشرح لي الدرس مافاد==ماعاد عندي للدراسه حماسه

ياخذ بي الهاجوس مصدر وميراد==ومخالفٍ جو الطرب والوناسه

قلبي غدا به حب مزبور الانهاد==اللي زهى جسمه لياقة الباسه

ليا حصل لو صدفةٍ دون ميعاد==مالي دخل بمحللين السياسه

وقت قضيته بين وقفه ومقعاد==رقيب وادرس واجبات الرياسه

سواق لا مهندس ولا مراقب ارصاد==آزن قدم رجلي واثبت مداسه

واحدد السرعه على امبير عداد==والزيت والمويا معروفٍ مقاسه

ولاني لحالي بين مجموعة افراد..كلٍ على غاية احساسي احساسه

وجبنا العوض بالدرس دلة وبراد==علاج راس اللي تعوكس اعماسه

والشاطر اللي عن درجاتنا زاد==قبل غلاق الحصه ايهز راسه

دورة قضيناها على جد واجهاد==ماهي اعلوم مدورين البلاسه