مشتاق لعلومه وسجت كلامه= شوق الطيور الى تهاوت على البير
عليك ياباجد عتاب وملامه = لو تعتذر لى ما قتنعت بمعاذير
يانسل من يبرم لخصمه بلامه =ستر العذارى المصلحات الغنادير
اخوك الاجهر ما تشيله عظامه = من القهر هو والعناء والمشاوير
سافر ولا شفته ولا ادري علامه = يالله عسى فيما حصل يافضي خير
نصيبي الى شح حتى بسلامه = ياصدري الى كن ابه واهج الكير

عليـك ياباجـد عتـاب وملامـه لـو تعتـذر مايقنعنـي معـاذيـر