راح وقت الرجال اللي تذب الخرايم= بالمغازي وعلم الطيب واهل الحميه
وطلع الله علينا جند مثل البهايم= بس تاكل وترقد والنوايا رديه ههههههههههه

راح وقت الجهل والفقر يوم الغنايم=ماتجي غير من نهب الخوي الخويه
الله اكبر يا هالشايب ما يأكل ونايم=وما صحى غير قبل الظهر وقت اضحويه هههههههه

صح لكن بها علمن يشد العزايم=يعرفون الشجاع اللي يجر الغزيه
مار هذا الزمن تكبر صغار العظايم= وراعي المال لوهو دون مافيه زيه

احمد الله وريح راح عصب العمايم=والشجاعه ماهي قتل النفوس البريه
يبني العلم والا الجهل ساس الهدايم=ودايم المال عند الشايب ابو لحيه هههههههههه

لو تقولون هرش اما مضاله مهايم= وين ذيك العصور وين هاذي وذيه
علمكم شتت العالم وصارو قسايم= ماكسبتو منه غير الفلس ولاذيه

كل هرشً مهايم ماله الا الهلايم=وعصرنا والله انه عصر خير البريه
طارة الطايره بالجؤ والجؤ غايم=بعد ركب الحمير وبعد ركب المطيه هههههههههه

مهايمن للبداه وريح زين النسايم= لاصفقله بوادي عشب كالمزهريه
وان سرينا نطالع للجدي والنعايم= والوسيله اظهور الخيل سنة نبيه

ارض ربي وسيعه مير ذب الخرايم=كان نفسك من ايامً مضت لك شقيه
السماء في محله مثل ما فات دايم=طالع النجم واسر ابليلةً سرمديه ههههههه

فزت من فضل ربي والفخر للقدايم= عزوتي عبس وانته ماعرفلك نحيه
قبل تولد وانا بالسوق شاري وسايم= بالعلوم الجزيله والحون العذيه

ساسكم ساسنا مافيه شك وظلايم=عبس نفخر بها في صبح ولاعشيه
كفؤ والله يابن براك مافيه لايم=لاكن ان المزوح اتشابه الشاذليه