مابقى من شهر شعبان غير القليل=الله انه يبلغنا رمضان وصيامه
قلعة المجد نلقى في طرفها مقيل=شامخه بهلها حتى تقوم القيامه

مرحبا بالمعزب مع قدوم الفضيل = غايب اله سنه والمشكله في عظامه

انت راعي محل وزبدتك بالصميل = ماطواك الدهر والخوف قامه وقامه

والبقا يالمصفي لاصفالك حصيل=يوم مريت ماعينت راع الجهامه
الهوى لاطرق عود الثمامه يميل=والسلامه غنيمه والغنيمه سلامه

دعوتك مالنا فيها ومدك بخيل = وانت مانصبوك الى عطوك الزعامه

صاحبي يحفظ الامثال ماله مثيل = والرسيفر خطير انه يلخبط نظامه

جيت خرمان ادوّر هيل مع زنجبيل=وراعي البيت قبل الكيف قدم طعامه
انت اضنك على شاشة جهازك ثقيل=اسمح النفس واصحا تقول هذا علامه

انت درة عليك الفاطر ام الجميل = غيرها لوذبحك الجوع مت ابتسامه

هاك وضح النقاء ماعاد عندي بديل = صاحبك لويدس ايدس راس النعامه