مــكــره غـــــلا
 

http://www.youtube.com/watch?v=zDD4vxxPtu8



يا قلبي اشغيت المدامع ولا لوم
حزن ذبح الاشواق فعيون صاحبك !!
ان جيت لك مهموم وإن رحت مهموم
أعاتب الايام ولا اعاتبك !!
امشي معا الطرقات .. والدرب مزحوم
والناس منكبها على راس منكبك
شقي وقت .. وباقي احلامي نجوم
والهم خيل ن بين الاظلاع له دبك
شاري سهر .. والليل بايع له النوم
اقراك يا حلم خذاا الحال واكتبك
مرات احسك .. شي كايد ومعدوم
ومرات اقول فخاطري ياااه مقربك !!
حاربتني .. لين امتلى صدري سهوم
وانا آتأمل فيك .. وشلون أحاربك !!
مشاعري يا حزن ما تقبل السوم !!
ليه اتعقبني وانا ما آتعقبك
إن كان بك للدمع نيات وعزوم
تعال حاسبني .. وعقبه باحاسبك
مابه أمل يا حزن نفرح ولو يوم
ابك الحياه البائسه يا حزن ابك !!
ماني الوحيد اللي من الوقت مظلوم
لكن انا اللي في حناياه يشربك
مكره غلا لا شك ماني بملزوم
اكذب على نفسي وانا عكس مذهبك
يا صاحبي يا الحزن .. يا جعلك القوم
صرت الرفيق .. ومطلبي صار مطلبك !!
وإما وصلت لغايتي عشت محروم
والى حرموني غايتي مات صاحبك

شقي وقت .. وباقي احلامي نجوم
والهم خيل ن بين الاظلاع له دبك

صح الســـان حمد
ويعطيك العافيه على هالذائقه
الراقيه لاهنت

منوووووورين فديتكم

اسمح لي ابدي اعجابي بقلمك وتميزك واسلوبك الراقي وتالقك

منــورين فديتكم