قبيلة بني رشيد - (((((((انواع الرجال)))))))

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - (((((((انواع الرجال))))))) (http://ban3abs.com/aa/showthread.php?t=109187)

(((((((انواع الرجال)))))))

مسائكم عطر ...يفوح عبيره ...
بتواجد اعضاء شبكة عبس الكرام ..اقدم لكم قصيده للشاعر المعروف خلف المشعان ..اعجبتني وحبيت اجيبها لكم ..واتمنى ان تعجبكم وتحوز على رضاكم اهم شي..

ياكثرهم .. لا قلت لك .. عرفة وجيه
وياقلهم .. لا قلت .. قدر ومعزه
رجلٍ .. تعزه بعد ماتلتقي .. فيه
ورجلٍ .. قبل ماتلتقي به .. تعزه
ورجلٍ .. ترزه بالمجالس مباديه
ورجلٍ .. فلوسه بالمجالس ترزه
.. ورجلٍ يموت ولا يجيبون طاريه
ورجل ٍ .. يجي طاريه في كل حزه
ورجلٍ يهزه .. بعض موقف ويشقيه
ورجلٍ .. مهوب أيّات موقف يهزه
ورجلٍ .. ضعيف .. ويستفزه معاديه
ورجلٍ .. كلام اعداه .. مايستفزه
ورجلٍ .. تلزه يعترف لك بخافيه
ورجلٍ .. على خافيه .. محدٍ يلزه
ورجلٍ .. يوزونه .. ويزعل بنيخيه
ورجلٍ .. يزعّل من يحاول ، يوزه
ورجلٍ .. تكزه لازم انك توصيه
ورجلٍ .. بليّا ما توصيه .. كزه
من لا فرش .. للمرجله ماتغطيه
ومن لايخز .. الناس .. محدٍ يخزه
ان كنت تعرفني فهي .. عرفة وجيه
مو شرط لك بالقلب قدر .. ومعزه

وسلامتكم

صح لسان شاعرها

وسلمت آيدي من نقلها لنا !

اهذريبك انت وشرواك..رضاكم مكسب بنسبه لي ...شكرا لمرورك الطيب

صح الله لسسسأن شاعرها ومشكور اخوي ع النقل الطيب

إقتباس:

ورجلٍ .. تكزه لازم انك توصيه
ورجلٍ .. بليّا ما توصيه .. كزه

اييييييييييييييه!!
صح الله لسان شاعرها...وتسلم يمينك ع النقل الطيب..
لاخلا ولاعدم..

ورجلٍ .. ترزه بالمجالس مباديه
ورجلٍ .. فلوسه بالمجالس ترزه

صح لسان شاعرهااا
وتسلم يمنك ع نقل

صح لسان شاعرها

وسلمت آيدي من نقلها لنا

احمد ..كونك شاعر جزل وتشكرني على اختياري لهذا النص للشاعر خلف المشعان ..فهذا انجاز بنسبه لي لأنني من خلال قرائتي لبعض من قصائدك اكتشفت انك من الشعراء الذين من الصعب ان تكسب رضاهم بسهوله...شكرا لمرورك