|
هل تحس بالغير ه على بنت ديرتك؟؟؟
الســـــلام عليكم ورح ــــــمة الله ...
لطالما ارتبطت كلمة الغيره بالرجل الشرقي... فمن ابرز صفات رجل الشرقي الغيــــــره وياحلات الغيره اذا كانت بين الحبايب ....بالذات اذا كانت معتدله والغيره التي يحبها الله.... بس خلونا نصير صريحين اكثر.... هل الغيره لازم تصير بس على الاهل ؟؟؟ يعني لازم يغار الواحد على اخته ولازوجته بس؟؟؟ ما يصير على غيرهم؟؟؟ بقولكم شيء من الواقع ....هالزمن لما ندخل يوتيوب نشوف فيديو مؤلم وعنوانه (فضيحة بنت الـ ....) هذي الانواع من الافلام الناس تتراكض عشان تشوفها انا ابي اسال شنو الحلو في هالنوع من الافلام الي اغلبها تهتك اعراض وسمعة الناس ؟؟؟ ليش صرنا بزمن الواحد صار يتلاعب بهالاشياء ويستمتع وكأنه مسوي انجاز ؟؟؟؟ كأنه مسوي انجاز لما يفضح بنات الناس .... شيء يعور القلب ....ويعور القلب اكثر لما واحد ينشر الفيديو عن بنت ديرتـــــــــه لو لاحظنا ان غلب هالافلام الي تنتشر بســـــرعه بزمنا يكون من واحد فاضح بنت ديرته ؟؟؟ يا اخوي ليش ؟؟؟ شنو راح تستفيد لما تفضح بنت ديرتك ؟؟؟ تحس انك اثبت رجولتك؟؟؟ انا اسألك ما عندك غير ه على بنت ديرتك ... غيرتك بس على اختك وامك وزوجتك .....اما بنات ديرتك ما عندك غيره عليهم؟؟؟ بس تخاف على اختك لكن بنات ديرتك لا؟؟؟ يا اخي لا تقول هي بنفسها رضت تسوي هلون ....ولا هي الي يت بريولها؟؟؟ ترى لاعت جبدنا من هالحجج الضعيفه الي يستخدمونها بس عشان يبررون جريمتهم ؟؟ اذا هي برضاها رضت تتصور ...انت ما تقدر تمسحه من مبايلك ؟؟ لازم اطرشه لكل الشباب الي تعرفهم لازم؟؟؟ بصراحه عندنا وايد ناس يغارون على اهلهم .....لكن ما عندنا وايد ناس يغارون على بنات ديرتهم...الا نادر |
اشـــــــــــــــــــــكرك اختي
على الموضوع المميز والرائــــــــــــــع وهذا الزمان (( الله يكافي شره )) --------------------------------------- لكي مني كل الاحترام والتقدير,,,,,,,,,,,,, |
شاكره مرورك اخوي سعود
|
إقتباس:
الغيره انواع ومراتب منها غيرة الدين والوطن الخ .. فما احد يرضى على اخته المسلمه اي شيء يسيء لها ولا احد يرضى انّ فيه احد يسئ الى بلده أو منطقته .. فكلها متعلقه بالدين وبين لنا ديننا الأسلامي في أحاديث كثيره من رأى منكم منكراً فليغيره بيده فأن لم يستطيع فـ بلسانه وأن لم يستطيع فـ بقلبه وذلك أضعف الأيمان. كلكم راعي وكلكم مسئول عن رعيته .. خيركم لأهله وانا خيركم لأهلي .. فمتى ماتمسكنا بكتاب الله وسنه رسوله فنحن بخير كذلك تمسكنا بعادتنا الحميده التي حث عليها ديننا الأسلامي , لاهنتي على الطرح تحياتي لك |
اول شيء يالغلا اشكرك من كل قلبي ع هيك موضوع
وبصراحه من وجهة نظري اللي مايحس في بنات الناس هذا انسان عديم احساس وتربيه كمان والا اللي مايرضاه ع خواته ليش يرضاه ع بنلت المسلمين وقال ايش قال هي رضت هي يمكن غلطت لما سوت هالشيء بس انت دمرت عايله بأكملها تخيل عايله تشتت واهتزت اركانها والسبه انت قلي باالله كيف تحط راسك ع المخده وتنام مرتاح البال تكفى خلي ضميرك يصحى وتذكر ان اللي سويته اليوم بها الانسانه راح يصير ع اختك اوزوجتك اوحتى اغلى الناس عندك اللي هي امك الله لايبلانا بس والله يسترنا ويستر بنات المسلمين ويهدي شباب المسلمين يارب |
شاكره مروركم يالغلا
|
| الساعة الآن +4: 01:14 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
