|
جروحي مزنةٍ منها هطل فيض الشعـر همّـال..سقت جدب العروق اللي تبلـل ريقهـا قطـره
http://alfaris.net/up/71/alfaris_net_1310213739.jpg
على الله يازمن بشكي جروحي والليالي طـوال عسى راعي العنا ينسى عناه [وينشرح صـدره] على الله يازمن بشكي همومي والهمـوم جبـال تعدّت عاصمة حزنـي حـدود العالـم بأسـره خساره يالسنين اللـي كتبتـي سيـرة الرحـال فرحت امس وحزنت اليوم بس الخوف من بكره لساني كم شكى صمته والى منّه حكى "ماقـال"! طغى طبع السكوت بسيرة المحروم من صغـره سقى الله يوم كنت اضحك وبالي (مستريح البال)! ضحوكٍ ماعرفت الحزن وش معناه وش قدره؟ وكبرت وكبرت احلامي وصارت قصة الترحال اماني في مهب الريـح وحلـمٍ ماكتمـل بـدره بعذر اللي مع ايامه جلس يبكي على الاطـلال تذكر ماضـي افراحـه اليـن [خنقتـه العبـره] عزيزه يالعيون اللي حضنتـي "دمعـة الرجّـال" حبستي دمعته بين المحاجر يوم ضـاع امـره عزيزه يالحروف اللي سكتـي والكـلام يقـال حكيتي.. ماشكيتي الهمّ وهـمّ القلـب ياكبـره عزيزه ياليدين اللي ثنيتك باصعـب الاحـوال اكفّك ساعة الحاجـه وامـدّك ساعـة القـدره! وعزيز النفس لو يصبر على صبر الليالي نال ابصبر والرجل يصبر ومقياس الرجل صبـره انا منهو حمل همّه على راسه تقـول عقـال! مجاديف الزمن دارت عليه ونَسّـف الغتـره!! وانا منهو فقد صوته وبعض الصوت به مـازال [دعيـت الله يفرّجهـا علـيّ وبحَّـت النبـره] أشيل الحمل عن غيري وحملي صار ماينشـال كما الشيخ الهزيل اللي مشيبـه منقـضٍ ظهـره جروحي مزنةٍ منها هطل فيض الشعـر همّـال سقت جدب العروق اللي تبلـل ريقهـا قطـره وعن حر الزمن صارت حروفي للجروح ظلال تذرّت عن هبوب الياس حلمٍ قد بنـى قصـره عساها للمطر روحٍ بهـا وادي الظمـا ماسـال عروق سنينها جفّت وورّاهـا الزمـن غـدره عساها للمطر روحٍ قضـى مرباعهـا ماطـال كساها ثوبها الاصفر.. وكانت تلبس الخضـره على الله ينجلي وقتٍ [قضيتـه هـمٍ و غربـال] ويشعّ النور في قلبٍ غشى ليل الظَلَـم فجـره على الله والولي الله وبامـر الله يزيـن الحـال ويضحك للزمن قلبٍ مع همومه "قضـى عمـره" |
تسلمين أخت دمعه وصح الله لسان شاعرها.
|
تسلمين على الكلمات الرائعه
والذوووق الاروع وصح الله لسان شاعرها |
عزيزه ياليدين اللي ثنيتك باصعـب الاحـوال اكفّك ساعة الحاجـه وامـدّك ساعـة القـدره! ***************************** أشيل الحمل عن غيري وحملي صار ماينشـال كما الشيخ الهزيل اللي مشيبـه منقـضٍ ظهـره **************************** وعن حر الزمن صارت حروفي للجروح ظلال تذرّت عن هبوب الياس حلمٍ قد بنـى قصـره ************************** على الله والولي الله وبامـر الله يزيـن الحـال ويضحك للزمن قلبٍ مع همومه "قضـى عمـره" صح الله لسان شاعرها..وتسلم ايدينك يالراااايقة..في قمة الذوووق يالغلا.. لاخلا ولاعدم.. |
إقتباس:
إقتباس:
صح الله لسـآن شاعرها وقصيدة بالحــيل طيبه مشكوره اختي ع النقل |
إقتباس:
|
إقتباس:
|
إقتباس:
|
| الساعة الآن +4: 08:03 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
