ياسلامي سلام الطرقي الي يوم سلم على شد وعجاله = في كنينه كلام وخايف الماجود لو بيحه مايفهمونه

لكن ام العباير ذنبها في جنبها لو غفره الله وزاله = البلا الي ذنوبه ماغفرها الله . يعزي لحاله من ديونه

مرحبا يالمسلم ياهلابك وانت شاعر ومبدع في مجاله=ياعسى الله يمهلَه طريقه ياعسى مايخيب له ضنونه
ابو عامر توفى يامصفي ماوروث من بعدَه الا عياله=وام عامر بعد ماراح عنها صارت الأرمله وام ن حنونه

البقا فيك لكن كل ماعرف عنك ياراشد الراشد شكاله = والشكاله وراها الناس تتعب مير ماكل شياً ياجدونه

ام عامر لها تاريخ هجري غابت الشمس من واسع ظلاله = قبل عقدين تلقى مورخ التاريخ يعطي دليل وياخذونه

بارك الله فيك ولا تشحي بالعطا والكريم يسوق ماله=انت من روس قوم(ن) بالمواقف ماتذوق الكسافه والمهونه
يدوي الرعد والبراق يلعب يابيض الوجه فى عالي خياله=وانتم الي يابو زيد الهلالي ماتلدون فيه وتنظرونه

صاحبي وارثن بشت الشيوخ اشلون مافكر بعمه وخاله = دام عنهم كلام النعم زاد وطيّب الوقت ماعطاهم متونه

يدوي الرعد من فوق البحر والموج غطي على كل انهماله = عاين الموج مالح مر يقطع في ضماكم والو ماتشربونه

الشيوخ العريقه في نسبها ماتصب لك كيفٍ في بياله=مد يمناك والفنجال يزها راعي العرف لو محال دونه
تالع النار وازود حطبها والرجل مايماري في فعاله=كان ردت على سوق المطيه كل مجنون ابثور جنونه

صاحبي ينسف الغتره نصب مير البلا ماعرف يازن عقاله = ناوين صدر مجلس راعي المركاز والخير كله في ركونه

ولع النار واجلس في حظاه والسمر يبهج النفس الشتعاله = مير حط الوجار بدو خالي خلهم بالعيون يشاهدونه

لاتضيع مفاتيح الوكاله وانت شغلتك مامور الوكاله=والوعل مايهز جبال حايل لو يضرب بقوته بقرونه
لاتجيب الكلام الي مضاله عام وشهور يامصفي مضاله=مير حلي وحلي ياحلاوه والمعنا مايشقى في لحونه

اجل عطني علوم الحجه الي مسقطت فرض محرم من حلاله = ليه ماطبق الشروط الرساله قبل لايطوف محرم يحرمونه

ماعطيتك يغير الي على كبدك ركد لين غثى من زلاله = انت تبغا معه سكر صناعي ماتبى النقع من صادق مزونه

كان تبغى العطيه تبشر ابها والرشا حطها فوق المحاله=والسفينه لها ربان يلي بالبحر كلكم ماتحسبونه
القضيه محاميها خسرها والسبب منك ياقضا العداله=ليه تظلم عريب الساس قلي وانت حتى ماتنظر في عيونه

جيت خال الوفاض منين تعطيني لاصار الرجل ماخوذ ماله = انت حتى على كثر العطا الي جاك ماخذت من ماياخذونه

ابك أنا ماقضيت ابها ولكن راع الكيف مصفوقه دلااله = جودت البن مادري هيلها بين بفنجالها طعمه ولونه