|
هداج تيماء + قسورة الغاب
السلام عليكم ورحمة الله وبركاته
اقدم لكم محاورة الاساتذه :- - أ / هداج تيماء - أ . م / قسورة الغاب هداج تيماء سلام تسليمة وفا قدام ما ترجع ورى=الخير معها والوفا والطيب ما تهفي دمه القسوره شاعر يجيب العلم ويرد البرى=طرقه قروه الناس وان ثبت تراها مكرمه قسورة الغاب يا مرحبا بك يا هلا ياليل هداجك سرى=والطيب عند اهله على سفح الجبل رز علمه القسوره ليتك معه ويحجبك لأم القرى=والخير في وجهك عسى الله يا صحيبي يقسمه هداج تيماء اليا سريت الليل شد الحيل وابليس اعورا=واحرص على نفسك ترى ما كل بيضه بشحمه الخير كان انه حصل بالسوق بيع ومشترى=اهل المحافظ تحتفظ باللي رفع سعر اسهمه قسورة الغاب حنا رجمنا ابليس لو هداج غافل ما درى=وذياب ابن غانم ترى شلفاه ما تصيد ارضمه يا هل ترى يا صاحبي هداج تيما هل ترى=طاروقك اللي جبت يرضي شلاش حتى يختمه هداج تيماء لا لا تعجل والحياه الها ذكر والها طرى=لا تحسب ان التمر ينبت بالنخيل بلا عجمه حنا نجيب الطيبه للناس وعيونك ترى=وشلاش شاعر يعرف ان الحق محد يكتمه قسورة الغاب العام لقحنا النخيل اللي على طلعت كرى=وصار التمر يملا التنك كل تنكه معها زلمه اللي يجيب الطيبه على الرديه ما ضرى=وحنا ما قلنا فيك غير الخير وجهك مقدمه هداج تيماء حنا نشوفك يا نكير وتحسب انك منكرا=واثر الخلل عيا نكير يقرى الترجمه ما كل من يقرى كتب ما كل من يكتب قرى=لو كان تلحق شرهة التلميذ راس معلمه قسورة الغاب نكير لا منك لقيته وانت من تحت الثرا=هذا ملاك الحق من واجهه ما رد انسمه ان طعتني يوم القشر يالشيخ خلك بالذرا=والشيخ مثلك بالذرا يلقى رجالن تخدمه هداج تيماء احد درى وأحد يابو نواف عنها ما درى=لكنها مسك الختام ودور اللي تختمه تومي عليه في يمينن كنها ذيل عشرا=اركد يا مال الخير والمسلم ذراه المسلمه قسورة الغاب الشك خلا صاحبي يبيح سده ماحترى=والظاهر انه من مواريد الزمل صار اقلمه القسوره لوما يده يا شيب قلب الزنقرا=ولو يتثاوب لا كشر ترتاع 90 علمه |
الله يبيض وجهك يا مباوعي ولا هنت على التنسيق الرائع
وصح الله السان اخوي القسورة على ابداعه |
بيض الله وجيهكم هذا العب السنع
|
صح السانكم
|
| الساعة الآن +4: 04:40 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
