الله على اللي ما شروه المطاسيس = ولا فكروا في كسبه الا الرجالي
ضمان بعد الله ما فيه تهويس = مصفح الجنبين أمر إحتمالي
علامته قدام صقر(ن) نزل يس = على غصن شجره وبه الغصن مالي
يبعد عن القلب المعنَى الهواجيس = رزرايز(ن) لاسمت سعره خيالي
صناعتن باليد ما جاء المكابيس = مصممن تصميم ضد العطالي
تصميم فنانين ماهم ملاحيس = القصد بالجودة ماهو بالريالي
لو التمني ما رفع قيمتة التيس = ولا نزل البانزين والغاز غالي
أبركب اللي مسس الحب تأسيس = مثل ما ربي أرسى كبار الجبالي
الشوق يدفعني على درب بلقيس = تبارك اللي ساقها لي حلالي
عفه وعقل ودين تسوى الهلابيس = اللي مجالسهم نفاق وخيالي