قم اتصل ياعلي في صاحب التكسي=نبي إنغادر نهائي بدون رجعيه
مليت من ديرة الحِساد والرجسي=مليت من دارهم لوفيه حريه
ديرة (بتايا) حرام الليل مانمسي=أخاف ربي إيزلزلها إبعصريه
إنظر حواليك وانظر من على الكرسي=بوذيةٍ ياعلى يركع البوذية
النفس طابت ولاني جابرٍ نفسي=ديرة شياطين ماهي ديرةٍ ليه
نبغى إديارٍ بها الأجواد ماتقسي=دار الرخا والسعد دار السعوديه
دارٍ بها إبليس لايصبح ولايمسي=في راية العز والتوحيد محميه
أهل الردى ياعلي مالبسهم لبسي=ماهم على ديننا ناسٍ حراميه
إن كان ضايق فأنا اللي خاطري عمسي=مثلك أنا ياعلى ودي على الجيه
خلك كما النايف اللي للهواء يرسي=ترى الجبال الرواسي دوم منصيه
حنا بني عبس ومنا عنتر العبسي=تاريخنا بالكتب ماهي إبمنسيه
خوينا ياعلي ندراه لو يقسي=لابد يومٍ يقفي الحي عن حيه
شيءٍ امخفيه بيِّن وأنتهى أبا أمسي=وسود الليالي إتبين خافي النيه
الناس قالواسفينة نوح ماترسي=لكن ربي جعلها آيه سماويه