أقولك يانور عيني على شان=تجبر شعورن داخل القلب مكسور
ولا أنت ميت تطرد الذنب باحسان=تحفر وتدفن في ثرى دربك قبور
الله عطاك الزين لولو ومرجان=لكن خذا احساسن به العطف مغمور
غلطان من يطرد ورى زين غلطان= مهو هدف يطرد ورا زينة الحور
الحب مكتوبن له الشوق عنوان=والقلب ياقف بالوفا عمره دهور
ماترتعش من لسعة البرد عطشان = ولا سحاب الصيف ينبت له زهور
حدد مكانك بين وردن وريحان =ترى رحيق العمر يسقى من الزور
ياوردة الجوري ترى الغصن ذبلان =ميلي بكاسن زفه الطيب والنور
وسط الحشى حطي الغلا فيه سكان =حسي الهوا يمشي مع در منثور
غرست غلا تسقى من السيل غدران =يصبح لها بغصونها اعشاش وطيور
فيها الهوى عج بسواليف طربان =يرجع صداها من غلا الصوت مغرور
يطرب لها صوت الندى وين مكان =والي بقلبه ذرة احساس وشعور
يبحر سفينة شوق والخوف غرقان =والقلب ميت والجسد فيه ماجور
ماجيت من زود الغلا مير من شان =قلبن بحسه منكسر فيك مجبور