بسم الله ابدي بيوت الشعـر ورفعهـا =اصبهـا لـيـن تطـلـع مـثـل الابـراجـي
ارسـم طريـقـة عملـهـا ثــم اتابعـهـا =من شـان مايطلـع ابهـا عيـبٍ امفاجـي
اخـتــار فـيـهـا وشكـلـهـا ونـوعـهـا =وابـروز ابوابـهـا بالـمـاس والعـاجـي
انـا المهنـدس وانـا ريـس مصانعهـا =وانـا المراقـب علـى تنفـيـذ الانتـاجـي
ووكيلهـا المعتـمـد والـلـي يوزعـهـا =وكفيلهـا مــا تسـبـب لـحـدٍ احـراجـي
وضمان طول الحياه لصدر سامعها =عن ضيقة البال والصجه والازعاجي
الله مــن هـاجـسٍ نفـسـي يـلاوعـهـا =املاوعـة حاجـةٍ فـي نفـس محتـاجـي
ايـردهــا كـــل مـايـنــوي يطـلـعـهـا =يـهـوم بافصاحـهـا ويعـيـد الادراجــي
وبـقـة بـصـدره لـعــل الله يقطـعـهـا =بيـن الحنـايـا لـهـا صـالـي ووهـاجـي
الله على اللي تدور بـراس شارعهـا =تنهـض نحرهـا بعـد دوره ومدراجـي
اسياتـهـا تـقــل بـالـؤلـؤ مرصـعـهـا =وابوابهـا والنوافـذ هــي والادراجــي
اليا سرت صوتهـا بسمـوع سامعهـا =وهي بسطح السحاب وتلعـج العاجـي
موسيقـةٍ تطـرب الخاطـر مقاطعـهـا =ومرافـقٍ صوتـهـا تصفـيـق مغنـاجـي
بكفوف بيضٍ وحمرٍ روس اصابعها =مــدري بمكـيـاج والا دون مكـيـاجـي
تقبـل زعلهـا وترضـى فـي تدلعـهـا =ما ضن هاذي تجي من ضلع منعاجي
ابــي بــلادٍ فـريــده فـــي طبايـعـهـا =عاصمـة الاسـلام ملفـا كـل حجـاجـي

اقتباس من مشاركة سعد بن عادي (المشاركة 84111) الشاعر القدير محمد سلمان قصيدتك جزله وسلاسة مفرده وابداع ... وتصوير جميل لله درك حضور ك يشرف وقصيدتك تشرف وجديدك يهمنا سجل اعجابي بطرحك ايها المبدع دمتم كما تحبون

اقتباس من مشاركة محمد سلمان الوهيداني (المشاركة 84641) شكراً شكراً لاهنت يا ابن حمد على مرورك المشرف واشادتك بالقصيده وسام على صدري تقبل سلامي محبك / محمد سلمان الوهيداني

اقتباس من مشاركة بن عجوين (المشاركة 87136) يا ابو سلمان يعطيك العافيه ولا تعبت قصيده طيبه وراعيها اطيب منها.