كان به شاعر عليه القول ثنيت التحيه = ياسلام الله سلاماْ تشمل الحاضر حدوده
كلما عديت مرقاب الهنوف الغشمريه = مالقيت الي يهوم النفس ويدور صعوده

انت شايب مير ماشفنا ترى مثله وزيه=مرحبا يالحاضرين وبيضها ماهي بسوده
انت عينك ماتشوف وشرهتك شرهه قويه=جاك شوق الي مورد وردتينه في خدوده

ياجمل يالي لاشاف الحمل يبلشنا رغيه = كيف لواني مع الطرقه عليه الحمل ازوده
غيرك اسمك دام هذا الجهد واعزومك رديه = بدله بالي يشيل الحمل مايرخي عضوده

الجمل فالدرب لا ينكبك نكبه عالميه=ويتساوى عودك وعود الثمامه في نفوده
انت كيدك كيد والنيه ملحقها بنيه=مير انا مقدر عليه وكل رجال وجهوده

انت ركبي لاهدرت يرسنونك بالاغية = حزتن فيها فحول الذود بالذود مهدوده
مير اباسوقك وعقلك من ورى هضبة طميه = الجمال الي عليها القول بالعد معدوده

ايه تركب في سنامه واليالي سرمديه=مير لا تجحد جميله واكثر العالم جحوده
مير اشوف ان العلابي فوقها ياكم كيه=اثرني محرق كبود اهل المنافق والحقوده

انت لوتبرك ننخك مثل مانخ المطيه = ياجمل هذا انت ماجت لك من العود معقوده
والله اني مانويتك باللعانه والخطيه = شايباً يرجي من الله عفوه وجنة خلوده

انت راعي طيبه والطيبه ماهي رديه=اقضبو راس الجمل ثم وردوله في عدوده
السمينه منكم تسوى رباعه والثنيه=مير قلطها مدام السيف شايفها محموده

الجمل يارد على عدا الروى خلفه شويه = انت وده له وعينه في صدور مع وروده
انت اضنك ماتعرف الا تصب الشاذليه = لوعطيتك هيلها والبن ماتعرف قنوده

راس ذيب وراس جن وسم داب وسم حيه=ان عرفها صاحبي يعرف نزوله من صعوده
ماش ياهرمز مضيق ولا لقينا فيك عيه=غير هندين رطنها ثم ضحكو له هنوده

خبطت معه المكينه جعل ماذنبه عليه = اختلط زيته وماه وعضت اسبكته عموده
الله يسمح طريقك شوف الك برحه خليه = هيض اهجوسك وميدان النشاما لاتعوده