يامفسر الاحلام وينك لايعلك ماتهون = لك غيبتن يكثر على العداد جمع احسابها

انته من الي يصعدون الضلع والا ينزلون = ماعرف عنك الا شعار اقريش في جلبابها

عطوك مبداها يا راشد ليه ما تملا البطون = ترحيبة الرجال تحسب والرجال اولابها
انته ما بين القاع والقمه وسلك التلفون = تضحكلك القمه وبكره تاكلك في نابها

صياف انا راعى وطن ماغبت لاكن من تكون=يالله عسا لحيتك لاطالت تحف اشنابها


تقصد جماعتك العزيزه يامدور لديون=ليلتك ظلما ياطويل العمر مايسرابها

لو انت راعي للوطن كل الطراقي يسكنون = الدار تبغى واحد ً يامر بها وينها بها

قصدي تبا تفهمه والا واجد الي يفهمون = وانشوف في حد النهايه لحيتك واخضابها

اللقمه اللي في فم الجايع تعاملها السنون = اخذت حاضرها ولكن ما عرفت غيابها
اشره على حس العزاوي والهقاوي والظنون = ريح ضميرك والسولف لا تحسبها ولا تشقابها

حق الطراقى عندنا معروف لو ماتجهلون=والدار تبقى اصحاب ياصياف فوق اصحابها

اشوف لى جرةجمل واشوف لى عنز ن لبون=والله يبارك بالسيوف ليا مسكت انصابها

امسك طريق القافلة واعبر مع الي يعبرون = لاتقصر الخطوه تطيح الجبنه امن اغرابها

انته بليا سيف ماخليت ياغير المتون = الناس تال الوقت قامت لك تعوج ارقابها

يا راشد انته لو تجاوبني على بعض اللحون = ما قلت ما قلته ولا خطيتها بكتابها
اللي مجمل صورتك ريسك ابو قلبن حنون = تشبع تحت ظله وتلبس من جديد ثيابها

خذ كل شي ن بالبساطه واترك اللى يكرهون=ابشرك كل النشاما نلت كل اعجابها
حياك جر الصوت نغمه لين ربعك يسمعون=اقولها ولمعرفه مانى مقفل بابها

تبغاني اعطيك البشارة والجماعة يبشرون = الحمض في واد القهد ماهو بكل اشعابها

دام البقابك مثلها ترحيب من صدراً حنون = لاشب ناره بالشتاء يدفي بها ويصلابها

الجره الحمرا عليها ناس لازم ياصلون = لا تخلف الوزنه يا راشد لا يضيع نصابها

صحيح من قال القصيد جنون ويجيب الفنون = ارضو بها واليا رضيتو قلت ما نرضابها

الله يبارك فيك مابالسالفه راس وقرون=اثرك تدور لسوالف لين ماتلقابها

الذيب له نابين وانته ذيب وتشوف العيون=يسرح على البيدا ويمرح فوق روس هضابها

يامفسر الاحلام لو فسرت للي يحلمون = صياف مايعرف عن الاحلام والي جابها

الناس قامو بالبسطه يحفرون ويدفنون = من بعد كبوت صاحبي مامانت كل اترابها