قصيدة للشاعر الكبير مرشد البذال رحمة الله
 

يحول أشول الحق جتني طروشه ـــــــــ جتني مطاليبه وانا عنه منحاش

اليوم كن بداخل الصدر هوشه ـــــــــــ مثل اختراش الريم في داخل الجاش

يالله عسى عطفك ولطفك نحوشه ــــــــــ يالله بحسن الخاتمه عند الاقراش

دنياك لو تعطيك زين المعوشه ــــــــــــ تالي سوالفها تعود على ماش

ياما خذينا بأول العمر شوشه ــــــــــــ وياما مشينا في مظاهير وأدباش

في خايعٍ وبل الثريا رشوشه ـــــــــــ نجن الزبيدي في صحاصيح ودشاش

وياما جلسنا مع مرودع نقوشه ـــــــــــ في سهلةٍ ماحدرنا زل وفراش

في وسط روضٍ مخضراتٍ خفوشه ــــــــــ نبته جديد ومبعدينٍ عن الطاش

نبنوب لا خبله ولا أهي مخروشه ــــــــــ عنق الفريد ان ذيره زول حشاش

قامت تخاطبني بنفسٍ هشوشه ــــــــــــ بس الكلام وعرضه أبيض من الشاش

بسرار في وسط القلوب مخشوشه ــــــــــ بين الثنين ولا درى عنهن الواش

ربعة وفا ولا السلب ماننوشه ـــــــــــ ماني لوجه معذب الحب خماش

واليوم مالي مع هل الصيد نوشه ــــــــــ عطيتها غيري بلاسوم ببلاش

عند الطبيب وصار عندي وحوشه ــــــــــ ومن الإقامة صابني خوف وخراش

ذالحين شفني جالسٍ عقب دوشه ــــــــــ أصلب عضاي وكن بالجسم هشهاش

خليت ديواني ومجلاس حوشه ــــــــــــ عقب المعزة ساكنٍ دار الإنعاش

والنفس ضاقت عقب ماهي بشوشه ــــــــــ مثل المقيم اللي على نو مطراش


ومع السلامة

رد : قصيدة للشاعر الكبير مرشد البذال رحمة الله
 

أبو بيان


لاهنت على هذا النقل ...


وصح لسان الشاعر الكبير مرشد البذال


تحيتي لك


الوافي


::

رد : قصيدة للشاعر الكبير مرشد البذال رحمة الله
 

الله لايهينك أخوي أبو بيان وتسلم يمينك على نقل قصيدة الشاعر المرحووم مرشد البذال رحمه الله ولاتحرمنا من جديدك

رد : قصيدة للشاعر الكبير مرشد البذال رحمة الله
 

السلام عليكم ورحمة الله وبركاته


مشكور اخوي على النقل

الله يرحم الشاعر الكبير / مرشد البذال


تحياتي لك

:p :p :p :p

رد : قصيدة للشاعر الكبير مرشد البذال رحمة الله
 

ابوبيان

صح لساااااااااااان شاعرها

وسلمت يد ناااااااااقلها

رد : قصيدة للشاعر الكبير مرشد البذال رحمة الله
 

لاهنت على نقل قصيده المرحوم مرشد البذالي


اخوي ابو بيان


دمتم كما تحبون

رد : قصيدة للشاعر الكبير مرشد البذال رحمة الله
 

رحمه الله .

انظروا التشبيه في البيت الثاني .

كن بداخل الصدر هوشة .

رد : قصيدة للشاعر الكبير مرشد البذال رحمة الله
 

بصراااحة قصيدة رائعه جداااااااااااااااااا........

مشكور عليهااااااااااا


بس مستغرب كيف اعجبت بعض الناااس ............


ومستغرب بعد ليش مابدا هو واخوية بحركاتهم المعتادة............

بس انشاء الله انهم هجدوا........بعد.........والا مارااح اقول خلها مستورة


والشكر لك اخوي على قصيدة هذا الشاعر الكبير مرشد البذال