قبيلة بني رشيد - قصيده الى وضاح اليمن ورد من الذئب سرحان

قصيده الى صديقي الجديد وضاح ههههه

كل ما جيت ابقطع لي مسافه طويله = حيرتني مفاهيم الامل والاماني
وكل ما جيت ابسري كل ليله وليله = هجرسة لي هجوسي ثم عنت حصاني
اخومزنه عميل ٍ ما بخس في عميله = شاعرٍ جزر مده من بحر غيبهاني
والعباب الزواخر ما تضيع حصيله = استمتبه وسمها على اسمى المعاني
يوم وضاح غنى لاخو جزعه زميله = قال يفداك شعري روح والعمر فاني
من يعرفه يعلمني بموقع نزيله = عبر الاقمار ولا بالرسايل ثواني

وهذا رد صديقي وضاح اخو مزنه

كل ماقول زان الدرب جتنا تحويله= وجبرتنا نحول مع بيان وطماني
وكل مدله تنادو كاسبين النفيله= اخو جزعه وربعه طايلين اليماني
وشغلوني وانا شايب عظامي نحيله =طار لون الغراب وصار بالوكر ثاني
واخو جزعه ثقافي تعبتن بتحليله= كل بيتن نحصل فيه خمسة معاني
مار ياهن يالمرسال كانك تجيله = بلغه من بعض ماصار باله يعاني
كلبونا اخوان ومايجيلي يجيله = لو انا باليمن وهو جنوب السفواني

وهذه القصيده مداخله من الشاعر الكبير الذئب سرحان ولا يستغرب على صاحب هذا المعرف الابداع لانه شاعر القبيله

عاش راع الونيت اللي مقفن مديله = يوم سراه واصبح عند باب اليماني
اخو جزعه قطاوي ما يبيله دليله = لا حداه الضما يارد على الريهجاني
مانلومه مولع كل بارق يخيله = محزم العود مليانن من الجبخاني
وخو مزنه ولد حليل ما فيه حيله = اذهن امن الغراب وطيبن معشراني
وين راح الخيال اللي البارح نخيله = اول الخير قطره يا فصيح الساني
بين راع الحصان وبين راع الكحيله = دش سرحان عرض اسباب عسر الزماني

والله انه لشرف لي يوم القى رد من الذئب سرحان واني بكل فخر واعتزاز ارد بابيات متواضعه مع هذا الكم الهائل من الابداع تجاهه واتمنا ان تنال على رضاه ورضا اخواني المتذوقين والشعراء

وعاش راع البيوك اللي منلقى بديله = يوم جانا متعني ثم تضيف مكاني
ماهو بعود لكن سابق ٍ جيل جيله = وان تمعن بقاف ٍ حوله شقلباني ههههه
راعي البيد عي وخرجته مع صميله = ما يذب الفجوج الا وسيع البطاني
واخو مزنه بوقت الضيق ما فيه حيله = ما يروس النجوم الا سهيل اليماني
راعي السيف الابتر ما يهول صقيله = غير في ساعت الشده وضرب ابتراني
وانت شاعر قبيله وانت رمز النفيله = والفخر بالشهاده منك يالمكلماني