مرثية
 

[POEM="font="Simplified Arabic,5,blue,bold,normal" bkcolor="transparent" bkimage="" border="solid,7,limegreen" type=1 line=1 align=center use=ex num="0,black""]البارحه وانا اتصفح اوراقي=لقيت صورة والدي في ملفي

وعانقتها من زود حبه عناقي= والقلب من بين الحنايا يرفي

ودموع عيني من فراقه سباقي= وقول ياعيني من الدمع كفي

قبلك محمد ذاق طعم الفراقي=على حميد يوم سافر وهفي

ميدوم في دنيا الحياه التلاقي=لابد يومن عن بعضنا نقفي

للتف ذاك اليوم ساقن بساقي= نهايته في شاشن ابيض يلفي

ويم الله المعبود يبدا المساقي = في رحمته والا بعذابه ايحفي

يالله يلي فوق الاكوان راقي = يامن له ارفعله عيوني وكفي

تغفر لبويه ياوسيع النطاقي= الي على هدي الرسول امتوفي

راعي صلاة وباالامانه ماباقي=وملازمه لكتاب ربه يكفي

الشاهد الله مامشاء بالنفاقي=عن هرجة النمه جنابه معفي

عمره على غرات غيره مواقي= يبين في ممشاه مهو متخفي

وللضيف والجيران لطف ولباقي= يطلق حجاج الي لفاه امتحفي

حتى الصغار الهم معاه انسياقي=يلين قدم اوجيههم مايجفي

عليهم السانه وقلبه ارقاقي=واهم على فرقاه يقفون صفي

هذا هو الي زادني بحتراقي=ماهو على كيفي ولاهو بشفي

وتبى الحقيقه والكلام الوثاقي= مهما تبر بوالدك ماتوفي [/POEM]

رد : مرثية
 

رد : مرثية
 

صح الله لسانك اخوي ابو صالح...

ورحم الله ابو عبد الله واسكنه في فسيح جناته..آآآآمين


تقبل تحياتي

رد : مرثية
 

صح السانك يا ابو صالح

ورحم الله والدك انه سميع عليم


وجعلك ماتشوف مكروه


تسلم على هاقصيده المعبره

رد : مرثية
 

صح لسانك
ورحم الله والدك واسكنه فسيح جناته انه سميع مجيب

رد : مرثية
 

رد : مرثية
 

رد : مرثية