قبيلة بني رشيد - حنا عـزاز ولا نهيـن العزيزيـن

ياطير عقبي كـن خاطـرك شايـن
خاطرك شين وغيبتي عنك يوميـن
النقـص فيـك مبيّـن لـه بواين

http://bani-3abs.com/uup//uploads/im...9d34845902.jpg
في لمعة الريشه وفي ناظر العيـن
ياطيـر انـا ويّـاك كنـا خـدايـن
وبيني وبينك ولف ومعامـل ٍ زيـن
يوم انتخاوى مع وجيـه الضعايـن
ونهمل سبوقك في مناكب خسيريـن
وألا شمـال الهضبتيـن القـرايـن
شرقي طلال ومن سواحيق ويميـن
وألا عطيـنـا سـكـة التابـلايـن
ولا قد عطيناهـا عليهـا حراذيـن
نصبح على طارات شهب المكايـن
بـيـن العراقيـيـن والاردنيـيـن
في خايعن بـه كـن عينـي تعايـن
ربد الحباري به على اربع وثنتيـن
ونأخـذ لنـا ايـام بذيـك الدفايـن
مابين برقـع والغـدف والبسيتيـن
ونكسر على ماينحدر مـن ضوايـن
ونأخذ هناك اسبـوع والا سبوعيـن
وننكف نشاط وسالميـن الصخايـن
ولو كان نتعب عندنـا مستريحيـن
قـدّام يطلـع للصـقـاره زبـايـن
ناس تحوش القوبعه بـام روحيـن
ليـا روحـو بمشحنـات الخزايـن
مافـي نحاهـم ذوقـوه الامـريـن
واليـوم مابينـي وبينـك مـدايـن
انا سعودي وانت جاين من الصيـن
وان مالقينـا للحـبـاري عـواين

http://bani-3abs.com/uup//uploads/im...a1bc3e5c87.jpg
ولا توادعـنـا وداع المحـبـيـن
الوقـت ماتاليـه معـنـا بـزايـن
والبر في حادور من حيـن لاحيـن
ادنـاه ملـيـان كراتـيـن فـايـن
واقصاه ضاق وضيقوا به هل الضين
وضاقت مناهـج طيبيـن الضغايـن
اللي على المقناص بالطير ضاريـن
واليوم كان اللـي يحاكيـك مايـن
هذي سبوقك وانتهـض بالجناحيـن
http://bani-3abs.com/uup//uploads/im...9157792f24.jpg
وهاجر مهاجر مبحـرات السفايـن
للصين والا اهبط على ضلع قزوين
http://bani-3abs.com/uup//uploads/im...4ee8de8f0e.jpg
لو كـان عنـدي مافراقـك بهايـن
حنا عـزاز ولا نهيـن العزيزيـن
خلك تـروح ولا تشـوف الغبايـن
شاملك عفوٍ مثل عفو المساجين