قبيلة بني رشيد - أنا يا بحر ماجيتك فاضى ولمشاهدك شفقان

http://3.bp.blogspot.com/__dhHt1x8zf...ea-preview.jpgانايابحر ماجيتك فضى ولمشاهدك شفقان ...
أنا جيتك أبنسى الياس وبعـض الهـم يبارينـي

على جالك أنا جالس أسامر موجك الغضبان ...
أسولف له عن أوجاعي وعناي وغربه سنيني

علامك يابحر غاضب علامك تصرخ بكتمان ..
أنا جيتـك أبشكيلـك وأبـي منـك تواسينـي

أنا مثلك بحر لكن وسط نفسي أنا غرقان ...
تعبت أبحـر مـع نفسـي وأسالهـا أنـا وينـي

أنا محتار في وصفي ومع نفسي أنا حيران ..
أنا لاقـادر أفهمهـا وهـي تجهـل مضامينـي

أنا مليت من حزني وتعبت أبحث عن السلوان ..
ولاضنيت به شـي عـن أحزانـي يسلينـي

أحس إن الحزن عالم بحورة وصحوة ووديان..
تخيل يابحر حجمه إذا حجمـه سكـن فينـي

تصور لو شقا الدنيا تجمع في كيان انسان ...
تصدق مابقى بالكون أسى مابـات فـي عينـي

ترى كل الحزن لو غاب وراح لآخر الأوطان ..
يغيب ويرتحل لحظات ويرجع يستقر فينـي

أنا آخر فصول الحزن وأنا لدروبه العنـوان ...
وأنـا آخـر عزوفاتـه وأصواتـه تغنينـي

انا والليـل والغربـه تعانقنـا مثـل الأخـوان ...
ليلـي كـل آهاتـي وللغربـه عناوينـي

تعبت أسقي ثرى أحلامي وأزرع بالوهم بستان ...
تعبت ولانبت زرعي وتعبت وجفت بساتيني

جحدني حظي العاثر رماني بسكه الحرمان ...
جحدنـي ولامـرة علـى الفرحـه يرسينـي

ألا يابحر جاوبني وش آخر هذي الاحزان ..
وش آخر رحله أوجاعي وعناي وغربـه سنينـي