واهني طيرً للسماء راح حايم=طلعه لدارً مسقيتها الوسومي
شلع من المشراف و الجو غايم=ورفرف بجنحانه و علأ الغيومي
قفا وقلبي فيه لفح السمايم=ياليت لي جنحان مثله و أحومي
وأبعد معه بالحوم فوق الغمايم=وأطلب من المعبود خير القسومي
البارحه يومً غفا كل نايم=قعدت أسامر سابحات النجومي
كل السبايب هرجة ً من لوايم=جتني و أنا فالهرج ما لي لزومي
بغيت أسنعها و قفيت شايم=ما لي جدى ياكود أعدي الرجومي
وأبدع بقافً للعقول الفهايم=أهل العقول اللي تعرف السلومي
الحسد و يالدنفسه و النمايم=رخامة ً توارثتها الرخومي
تباعها يا جعل جوه عسايم=وياجعل حظه طايح ً ما يقومي
والطيب والنوماس هن و العزايم=مكاسبً تكاسبتها القرومي
يا جعل من فرط بهن للوهايم=وعساه في عمره يبات محرومي
وياسامعي من فوق دسم الولايم=قلط وخل عنك كبار الوهومي
ماهز ضلع طويق هب النسايم=ولا شكى من قوا لفح السمومي
ومايلحق الطيب كثير الشتايم=ألا سوى من هو ردي العزومي

الحسـد و يالدنفسـه و النمايـم
رخامـة ً توارثتهـا الرخومـي
تباعها يا جعـل جـوه عسايـم
وياجعل حظه طايح ً ما يقومـي