قبيلة بني رشيد

قبيلة بني رشيد (http://ban3abs.com/aa/index.php)
-   منتدى الشـــعــــر (http://ban3abs.com/aa/forumdisplay.php?f=57)
-   -   العبســـــــــــــــــــــــــيه (http://ban3abs.com/aa/showthread.php?t=10264)

**الرشيدي** 24-04-2007 11:25 PM

العبســـــــــــــــــــــــــيه
 
السلام عليكم ورحمة الله وبركاته
ادخل على الله واسلم الامر تسليم

واستغفرة واستذكرة واستميحة

وضح النوايا والمساري مجاهيم

والحلم غالي واليالي شحيحة

سادت مفاهيم وبادت مفاهيم

ويح الزمن يابنت الاجواد ويحة

خلي علوم أمسيسن المرازيم

واخذي علوم مصمصمين القريحة

حنا طنايا عبس يامذير الريم

حنا مقابيس الوغى يامليحة

حنا سلايل قاسم الخيل ودليم

وزعتنا يوم المكايد رجيحة

بدو حفايا مانصفتنا المقاسيم

وبصدورنا عز تطارخ فحيحة

نرعى رفيق البرق في ساقة الغيم

ومن يستبيح حدودنا مانبيحة

ولاياترع في هرجتة دفش وبهيم

خطو الهبود اللي تكابر فطيحة

عن ساقط الهرجة نطق الملاطيم

ومن طاح فيها مارحمنا مطيحة

نكبر عن الطفسة ونجزع من الضيم

ونموت ما ناطا شليل الفضيحة

نزوم زومات الرجال المحاشيم

ونهد هدات النمور الجريحة

ربع على در المنايا مفاطيم

من هازنا زاغت عجوزة تصيحة

اليا تغشلينا عسير الشغاميم

لومك على اللي مايبرهن مديحة

وان لولشن محشمات الملاثيم

والموت حثرب بالحناجر ضبيحة

جينا من اقصانا سحايب مراديم

كل يذكي حروتة عن نطيحة

يازين دح قفوشنا لة ترانيم

والعج واقف والفعايل صريحة

كان المنايا سوقها مابعد سيم

والخوف برك بالقلوب الكسيحة

حنا زباينها على الملازيم

علما يقرية النصيح لنصيحة

واللي بنى بيتة نبية ابراهيم

انا طريق المستميت لضريحة

بني رشيد ان عتم الجو الجو تعتيم

ماللردى فينا ملامح وليحة

أجسر من الرعاد واكرم من الديم

سمر الجباة اهل الوجية الفليحة

خوينا نقرية عزة وتحشيم

دخيلنا دونة عن الموت صيحة

يابنت ماحنا فقارا معاديم

لوماسكنّا القصور الفسيحة

تجار لوحاشت يدينا ملاليم

ومن الغناة قلوبنا مستريحة

مانستضيق ليالفونا معازيم

لضيف لونذبح حدينا ذبيحة

دايم ايدينا للعطايا مواليم

لي خانت الفزعة وجية كليحة

طال القريض ومقبل الود ومقيم

والبال عيا طارقة لايريحة

اقولها وابصم على القول تبصيم

والعلم بين زايفة من صحيحة

ماهو قصور بالحرار الصماصيم

كل بدرب العز قد هب ريحة

مدحي لربعي مايذم الاكاريم

ولايستشك الا خبيث الشريحة

والحق واضح لرجال المفاهيم

والحقد يخرث بنفوس القبيحة

سعد بن عادي 25-04-2007 12:19 AM

رد : العبســـــــــــــــــــــــــيه
 
زعيم الشعر مساعد ربيع سطر له التاريخ امجاد عظيمه


زعيم يفتخر به كل عبسي شريف

وقصيدته العبسيه جعلت الجميع يقف احتراما وتقدير لهذا الرجل العظيم حقاا

وجميع قصائدها حقيقه ترفع الراس .. يحق لنا الفخر بهذا الزعيم

رغم تكرار القصيده ووجوده في منتدى الزعيم الا ان وجوده هنا ايضا شرف لنا مشكور أخوي الرشيدي على النقل

دمتم كما تحبون

فهد المويسه 26-04-2007 06:34 PM

رد : العبســـــــــــــــــــــــــيه
 
صح لسانه

وقصيده رائــعــه

وتقبل سلامي

صاطي الرشيدي 28-04-2007 05:01 AM

رد : العبســـــــــــــــــــــــــيه
 
صح لسان ابو ربيع واشكرك على النقل

بدر نوران 28-04-2007 05:06 AM

رد : العبســـــــــــــــــــــــــيه
 
::


صج لسسان الزعيم

ولاهنت يالرشيدي على النقل



تقبل شكري


::


الساعة الآن +4: 09:11 AM.

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
هذا المنتدى يعمل على نسخة في بي بلص