ياصدفة الحظ ماهو حظ صدفتها=راحت ولا راحت بفكري مزاياها
ياليت ما جابت الاقدار شوفتها=مرتاح بالي وسالي قبل لقياها
فتنة عرب رسخت بالعقل صورتها=موت إن نطحها الهواء وإلا تقفاها
والموت يوم امها بالاسم نا دتها=قالت(يادانه) وقلت الدانه اياها
لكن غلطت عليها يوم جابتها=للسوق وانظار خلق الله تهاداها
انظار كل البشر بالسوق شدتها=ياليت للسوق واليها ما وداها
حظيظه إن سلمت من عيون شافتها=الدانه اللي وصايفها مسماها
راحت ولكنها بالناس سوتها=كم واحدٍ مثلي امست معه ذكراها
من عينها تزهق الارواح لغضتها=عاد انت قدر وشف كم هي ضحاياها
الله لا يعيدها ولا يعيد جيتها=راحت بعدماسكنت عقلي حلاياها
والله ما عاد اجي للسوق حزتها=اخاف اجي صدفةٍ للسوق والقاها