البرق حبك والحشـا دفتـر الغيـم=من لاح صبيت الرعد في الحنايـا
هذا أنت ترحل لأيسر الصدر وتقيم=تلبـس نهـاري والليالـي عرايـا
قبل أمس رمشك في قلوب المعازيم=واليوم كحلك في عيـون المرايـا
دامك تقود الريم في مرتـع الريـم=دوك الضلوع اللي وراهـا سرايـا
ترى الغلا يرخص مقامه الياسيـم=ويزيد لا صكـت عليـه المنايـا
من وين أوجه والزمن بوصلة ضيم=والقلب طيـر فـي يديـن النوايـا
إن قلت أحبك ضج عطر الملازيـم=وإن طال صمتي تستجـن الزوايـا
أشرب قراحك عزم واضماه تصميم=يوم اعذب انفاسـك تمـد الهدايـا
لا جيت اسافر في مزاياك واهيـم=ألقى عيوبك فـي عيونـي مزايـا
من صغر سنك يكبـرن المفاهيـم=ومن كثر حسنك ينـدرن الحلايـا
جيدك يـوزع للغصـون الترانيـم=وعيدك يجمـع فرحتـه للصبايـا
حبك برق واثر الحشا دفتر الغيـم=من لاح صبيت الرعـد فالحنايـا