قبيلة بني رشيد - عمر أحزاني !

ووقّف عقرب ( الساعه ) على ذكراك
وصارت ساعتي .. فقدك وحرماني
ومشى دمعي على خدي مثل ممشاك
ومثل مـ امداني أردك مـ أمداني
ارده يوم رحت و " خافقي " ناداك
لانه ( يشبهك ) لا احتجت خلاني
حبيبي .. لو تفكر بأيش اتحراك
وصدري مابقى به غير اشجاني
خذيت أحلامي اللي كانت بـ لقياك
تحققها .. ليامن جيت باحضاني
وكيف اصير اشجع بالهجر واقواك
و بعد حضنك انا الخايف من اماني
انا اللي كنت أنسى بك شلون أنساك
وانا اللي كنت انسى لك وتنساني !
على بالك ليامن ضعت وين القاك
و على بالي لو اسلى عنك تلقاني
تعاني لجل .. تجرحني وانا لرضاك
أعاني من اجل ما شوفك .. تعاني
سبب هالبعد من اخطاي او اخطاك
ترا : ما تفرق آليا كنت وحداني
اذا انت اللوم بس .. بغيبتك عداك
انا كل ( العمر ) بعدك .. تعداني
طلبتك لايخلّدني " وجع " طرياك
وحلمي بس أكون .. بقربك الفاني
أحس إني شجر و بصمتي اترجاك
ولا انت اللي سقى او يحطب اغصاني
كأنك كنت تدري " بالجفاف " هناك
مصيره يوم " يكسرني " بفقداني
وكأنك كل الزمن حزني بعد فرقاك
يمر ( بساعة ) جروحك و حرماني
ولو توقف عقاربها .. على ذكراك
تراها : ما توقف .. عمر أحزاني !